Bakerako lantaldea martxan da, PP eta UPyD gabe
Bakerako eta elkarbizitzarako lantaldea eratu dute Eusko Legebiltzarrean, ostegun honetan, eta EAJ, EH Bildu eta PSE-EE alderdiek parte hartu dute ekitaldian. PP ez da lantaldearen eraketan izan, ezta UPyD ere.
PPk ez du baztertu aurrerago parte hartzea, baina alderdiek koalizio abertzalearekin zorrotzagoak izan behar dutela iritzi dio. UPyDk, berriz, argi utzi du ez duela lantaldean parte hartuko, foroa "Batasunaren agendari heltzeko" pentsatuta dagoela iritzi dio.
Lantalde horren osaketa, hain zuzen, alderdien arteko desadostasunek eragindako hainbat atzerapenen ostean gauzatu da.
Aurreko legealdian lantalde horrek hainbat ondorio ezarri zituen, hala nola "zoru etikoa" sortzeko apustua eta memoria "terrorismoari zilegitasun etikoa, soziala eta politikoa kentzeko oinarrizko tresna" gisa aintzatestea. EH Bildu eta UPyD abstenitu egin ziren idatzi horren bozketan. Oinarri etiko horiek duela gutxi berretsi dituzte Legebiltzarrean EAJk, PSE-EEk eta PPk.
Bakerako eta Bizikidetzarako Lantaldeko kideak datorren apirilaren 30ean bilduko dira egutegi bat ezartzeko eta jorratu beharreko pausoak eta bidea zehazteko.
Ateak zabalik PPrentzat eta UPyDrentzat
Bakerako eta Bizikidetzarako Lantaldearen eraketaren ostean, Bakartxo Tejeria Eusko Legebiltzarreko presidenteak foro horrek Euskadin bakea eta elkarbizitza lortzeko "oinarri sendoak" ezarriko dituen itxaropena helarazi die kazetariei.
PPren eta UPyDren jarreraren inguruan galdetuta, Tejeriak "egokiena" lantalde horretan alderdi politiko guztiek parte hartzea izango litzatekeela adierazi du, baina uneren batean lantaldean parte hartzea erabakiko balute "atea zabalik" dutela azpimarratu du.
EH Bildu
Julen Arzuaga EH Bilduko legebiltzarkideak adierazi duenez, euren "lehentasuna" Bakerako eta Bizikidetzarako Lantaldean presoen egoera jorratzea izango da.
EH Bilduren iritziz, lantalde horrek "inmobilismoan eta zorrozkerian mantentzen diren haiek mugiarazteko" giltzarri izan behar du eta Espainiako Gobernuak "hemen erabakitzen dena jasotzeko" balio behar du.
EAJ
Joseba Egibar, berriz, ziur dago PP lantaldera gehituko dela eta gainerako taldeek hori lortzeko lan egingo dutela erantsi du.
Egibarrek azaldu duenez, lantaldeak "bakea eta elkarbizitza" sendotzen jardungo duela badakite, eta hori ez da jarrera "pasibo" batekin lortuko.
PSE-EE
Jose Antonio Pastorrek (PSE-EE), berriz, lantaldea aurreko legealdian adostutako oinarri etiko eta demokratikoak kontuan hartuta abiatu dela azpimarratu du.
"Zoru etiko aproposa da oso lanean hasteko", adierazi du Pastorrek. Eta PPk ez duela "zoru" hori "arinduko" den inolako beldurrik izan behar gaineratu du. Halaber, sozialistak Alderdi Popularra ahalik eta azkarren lantaldera gehitzeko "beharrezko eremua gordetzeaz" arduratuko dela azpimarratu du Pastorrek.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.