Sanzek hiru ordu baino gehiago daramatza deklaratzen Auzitegian
Miguel Sanz Nafarroako Gobernuko presidente ohia Iruñeko Justizia Jauregian sartu da gaur 09:20 aldera, Nafarroako Aurrezki Kutxan jaso dituen dieten harira inputatu gisa deklaratzeko. 10:00etan hasi da epailearen aurrean deklaratzen.
Sanz Eduardo Ruiz de Erenchun abokatuarekin batera sartu da Auzitegiko ate nagusitik, hedabide eta polizia ugariren artean.
Iritsi denean, bertan zeuden protestariek lapurra dela oihukatu diote. Auzitegiaren atariko hesien beste aldetik dozenaka pertsonak salatu dute ustelkeria 'Ustelak kanpora' leloa zeraman pankarta baten atzean.
Nafarroako Gobernuko eta UPNko presidente ohiak inputatu gisa deklaratuko du epaitegietan. Sanz Nafarroako Kutxako dietak kobratu izanagatik ikertzen ari dira. Gabriel Urralburu eta Javier Otano sozialisten eta Jaime Ignacio del Burgo PPkoaren ostean, Sanz etapa demokratikoan inputatu gisa deklaratuko duen Nafarroako laugarren presidentea izango da.
Nafarroako Kutxako (CAN) dieta bikoitzak eta hirukoitzak ikertzen ari den Maria Paz Benito epaileak deitu du oraingoan. Epaileak Miguel Sanz, Enrique Maya Iruñeko alkatea eta Alvaro Miranda Ekonomia kontseilari ohia inputatu ditu auzian. Apirilaren 12, 15 eta 16an deklaratu behar dute, hurrenez hurren.
Maria Paz Benito Iruñeko auzitegietako epailea CANeko Batzorde Iraunkorreko kide gisa egun bakar batean kobratu zituzten dietak (5.000 euro baino gehiago) ikertzen ari da. Kargudunek funtzionario-eroskeria delitua egin dute, epailearen arabera.
Yolanda Barcina Nafarroako presidenteak dietak jaso zituen, eta bere hiru lankideak egin bezala, dirua itzultzea erabaki zuen. Hala ere, Barcina foruduna da eta epaileak ez du inputatu; egingo balu auzia automatikoki Auzitegi Gorenera eramango lukete.
Deklarazioak ostiral honetan hasi dira Miguel Sanzen aitortzarekin. Ikerketa Auzitegi Nazionalera eramateko helegitea aurkeztu zuen Sanzek, baina atzera bota zuten. Ondorioz, Sanz demokrazian inputatu gisa deklratuko duen Nafarroako hirugarren presidentea izango da.
Barcinak "konfiantza osoa" du Justiziarengan
Yolanda Barcina Nafarroako Gobernuko eta UPNko presidenteak "konfiantza osoa" agertu du Justiziarengan, eta Nafarroako Aurrezki Kutxaren auzia "lehenbailehen argitzea" espero du.
Barcinak adierazpen horiek egin ditu Parlamentu atarian kazetariek Sanzen deklarazioaren inguruan galdetu diotenean.
"Justiziaren garaia da, dena konpontzea eta Justiziak auzia lehenbailehen argitzea espero dut", azpimarratu du Nafarroako presidenteak.
Alberto Catalan Nafarroako Parlamentuko presidenteak, bere aldetik, "kezka" agertu du egoera horren aurrean.
"Ustelkeria usaina uneoro", Bilduren arabera
Maiorga Ramirez Bilduren bozeramailearen arabera, "Nafarroako herritarrek ez dute merezi uneoro ustelkeria usain artean bizitzea".
"Egoera jasanezina da: Fasa auzia, Urralburu, Otano, orain UPNren presidente ohia deklaratzen, eta Yolanda Barcina ez dago inputatuta forupean dagoelako. Egoera erabat jasanezina da eta erakundeak biziberritu behar dira", azpimarratu du.
PSNk interesgarritzat jo du Auzitegiaren lana
Juan Jose Lizarbe PSNren Parlamentuko bozeramaileak "errespetua eta babesa" helarazi die Nafarroako Aurrezki Kutxako dieten auzia epaitzen ari diren auzitegiei eta "Nafarroako gizartean eztabaida" sortu duen gaia argitzea espero du.
"Errespetua izan behar da ekintza judizialekiko", adierazi du Lizarbek, "Iruñeko Auzitegi jakin bat" CAN auziaren inguruan egiten ari den lan "interesgarria" goraipatu aurretik.
Aralarrentzat "oso albiste txarra" da inputazioa
Horren harira, Txentxo Jimenez Aralar-NaBairen bozeramailearentzat "oso albiste txarra" da Gobernuko presidente ohi batek inputatu gisa deklaratzera joan behar izatea, eta Justizia "azken ondorioetaraino" iristea espero du.
"Ez da ona gizartearentzat presidente ohiak, beste behin ere, inputatu gisa deklaratu behar izatea gutxienez susmagarria den kudeaketagatik", gaineratu du.
"Behin egoera honen aurrean, ardura guzti-guztiak argitzea eta gaizki egin duenak ordaintzea da geratzen zaigun bakarra", Jimenezen esanetan.
I-E: "Nafarroako krisi politikoaren argazkia da"
Jose Miguel Nuin I-Eren bozeramailearen arabera, Miguel Sanz Nafarroako Gobernuko presidentea "Auzitegian sartzen, Nafarroako krisi politikoaren argazkia da", eta horren atzean "krisi soziala" dago, eta irtenbide bakarra hauteskundeak deitzea da.
"Presidente ohi bat inputatu gisa deklaratzera sartzea krisi politikoaren adierazpena da, are gehiago gaur egungo Gobernuko presidenteak parte hartzen zuen batzorde ilun batean parte hartzeagatik denean", gaineratu du.
"Ez da ona Nafarroarentzat", Nafarroako PPren ustez
Eloy Villanueva Nafarroako PPren parlamentariak uste du ez dela "ona" Nafarroarentzat Gobernuko presidente ohi batek inputatu gisa deklaratu behar izatea, eta "ikuspuntu politiko eta judizialetik zer gertatzen den ikusteko zain" egongo direla adierazi du.
Zure interesekoa izan daiteke
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.
Pradalesek barkamena eskatu du iraungitako txertoengatik eta hitzeman du "erantzukizuna" norena den argitu egingo dela
Lehendakariak bere esku dagoen guztia egingo duela agindu du, "horrelako egoera bat berriro gerta ez dadin" eta "beharrezkoa balitz, erantzukizunak argitzeko".
Gorenak Auzitegi Nazionalaren esku utzi du Abalos, Cerdan eta Garciaren gaineko ikerketaren zati bat
Ministro ohiak diputatu aktari utzi ostean, hura ikertzeko eskumenik ez duela iragarri du Gorenak. Koldo auziaren pieza nagusiak, baina, haren esku jarraitzen du.
EAJ "antifaxisten kontrako kriminalizazio kanpaina" egiten ari da, Gazte Koordinadora Sozialistaren aburuz
Euskadi Irratian egindako elkarrizketan Joanex Artola GKSko kideak adierazi duenez, falangistak Gasteizko kaleetan egon izana EAJren "ardura izan zen, eta hori ezkutatzeko estrategiatzat" jo du "antifaxistak kriminalizatzeko kanpaina".
Zaldibarko EH Bilduk babes osoa agertu dio Arantza Baigorri alkate ohiari, eta "inpartzialtasuna" eskatu du
EH Bilduren esanetan, "lurralde antolamenduarekin lotutako auzi honek ez du zabortegiaren amiltzearekin zerikusirik". Horren ustez, "amiltzearekin lotzeko saiakerek desitxuratzea dute helburu eta erabat lekuz kanpo daude".
Andueza "espainolistatzat" jo du Arrizabalagak, Pasaiako portuaren aferagatik EAJk eta PSEk duten sesioan
PSE-EEko idazkari nagusiak joan zen ostiralean adierazi zuenez, "EAJk Pasaiako portua lehiaketako elitetik atera nahi du, hiruzpalau maila azpitik joka dezan".
San Sebastian egunean ETAko bi preso ohiri egindako "ongietorria" salatu du Covitek
Terrorismoaren biktimen elkartearen arabera, 2022tik izan den lehen ongietorri publikoa da.