Yolanda Barcinak gainditu egin du Nafarroako lehen zentsura-mozioa
Aurreikusi bezala, Nafarroako Parlamentuak atzera bota du Yolanda Barcina Foru Gobernuko presidentearen aurka Bilduk eta Aralar-NaBaik aurkeztutako zentsura-mozioa.
Iragarri bezala, ganberako 50 parlamentarietako 18k baino ez dute alde bozkatu: Bilduren zazpiek, Aralar-NaBairen seiek, Ezkerrako hirurek eta Geroa Baiko biek. UPNk (19) eta PPk (4) aurka egin dute, eta PSN (9) abstenitu egin da.
Azken momentura arte, boto asmoa aldatu eta ekimenaren aldekoa emateko deia egin diote Bilduk eta Aralar-NaBaik PSNri, sozialistek Barcinaren dimisioa eskaerarekin bat egin dutela ikusita. Baina, azkenean, ez da hala izan, eta, iragarri bezala, abstenitu egin dira.
Zentsura-mozioa gainditu ondoren, gainerako alderdiekin irtenbideak aurkitzeko prest agertu da Barcina, Nafarroak dituen arazoak gainditu eta bereziki krisi ekonomikoari aurre egiteko.
Nafarroako lehen zentsura mozioa
Nafarroaren historiako lehen zentsua-mozioa izan da. Berau aurkeztu duten taldeek Juan Carlos Longas NaBaiko parlamentari independentea proposatu dute Gobernuko presidente kargurako, eta hauteskundeak aurreratuko zituzketela iragarri dute.
Zehazki aipatu ez badute ere, Nafarroako Kutxaren (CAN) auziaren ondorioz aurkeztu dute zentsura-mozioa. Egunotan, Miguel Sanz Foru Gobernuko presidente ohiak, Alvaro Miranda Ekonomia kontseilari ohiak eta Enrique Maya Iruñeko alkateak inputatu gisa deklaratu dute, auzi horren baitan.
Barcina ez dute inputatu, forupekoa baita. Horrenbestez, deklaratzera deitu nahiko balute, Auzitegi Gorenak egin beharko luke.
Parlamentuaren aurrealdean, hamar bat pertsonak elkarretaratzea egin dute, "Barcina go home" plataformak deituta, eta parlamentariei oihuka egin diete harrera. Besteak beste, "lotsagabeak" eta "lapurrak" aldarriak oihukatu dizkiete.
Barcina
Saioan sartu baino lehen, zentsura mozioak "alternatibarik" ez dagoela erakutsiko duela nabarmendu du Barcinak.
"Bilduk alternatiba izan nahi du, eta [zentsura mozioa] estrategia bat da", esan du foru presidenteak.
Horren esanetan, Parlamentuaren kanpoaldeko protesta ezker abertzaleak sustatu du.
Bildu
Saioan, Bakartxo Ruiz Bilduko bozeramaileak "harro" defendatu du zentsura mozioa, eta Nafarroako gizatea UPNren Gobernuarekin "nazkatuta" dagoelako aurkeztu dutela azaldu du.
Parlamentari abertzalea oso kritiko agertu da Gobernuaren politika ekonomikoekin eta murrizketa sozialekin, eta CANeko dieten auziari "eskandalua" iritzi dio.
Hori horrela, zentsura mozioa aurkeztea "ondo pentsatu" duten erabakia izan dela aurreratu du. "Arrazoi asko dago aurkezteko, tartean Foru Gobernua egoera ekonomikoari aurre egiteko gai ez dela".
Ruizen hitzetan, UPNk "entzungor" egin die Parlamentuaren eskakizunei eta herritarrei, eta "ustelkeriaz inguratuta" daude.
NaBai
Juan Carlos Longasen aburuz, "hauteskundeak aurreratzeak baino ez luke ahalbidetuko Nafarroak behar duen suspertze politikoa gauzatzea".
Bere hautagaitza "irekia eta eraikitzailea" dela eta akordioak lortzeko prest dagoela esan du, "egoera jasangaitza" baita herritarrentzat.
UPN
Carlos Garcia Adanero UPNko bozeramaileak "iruzur"tzat jo du zentsura mozioa, eta "hauteskunde estrategia" hutsa dela iradoki du.
"Ez da hauteskundeetarako unea, konponbideetarako unea baizik", nabarmendu du. Garcia Adanerok ez du "batere argi" zentsura mozioak aurrera egitekotan Juan Carlos Longasek hauteskundeak deituko dituen. "Agintera heltzen badira, ez dira mugituko", gaitzetsi du.
PSN
Roberto Jimenez PSNko idazkari nagusiak berretsi egin du abstenituko direla, baina agintean jarraituz gero, egoera "jasangaitza" izango litzatekeela ohartarazi dio Barcinari.
Jimenezen hitzetan, zentsura mozioa "zilegia" da, eta, horrenbestez, "errespetua" eskatu du sustatu duten taldeentzat, baina ekimenak "usain alderdikoia" duela eta "hilik" jaio zela deitoratu du.
PPN
Enrique Martin de Marcos PPNko bozermaileak adierazi duenez, mozioak "porrot" egingo du eta ez du "konponbiderik" ekarriko herritarrentzat. Horregatik, Gobernuaren aurkako "higadura estrategia" baten baitan kokatu du.
"Funts horiekin ezinezkoa da talde nazionalistak aldaketa politikoaren buruak bihurtzea", agertu du.
Hauteskundeak deitzea eskatu du Geroa Baik
Manu Aierdi atxiki gabeko Geroa Baiko parlamentariaren hitzetan Barcinaren Gobernua ''agortuta'' dago, eta, ''hauteskunde aurreratuz herritarrei hitz egiteko aukera '' ematearen alde agertu da. Horregatik, zentsura mozioaren alde egin du, ''aurrera egingo ez duela jakinda ere''.
Izquierda-Ezkerra
Nafarroako Jauregian duen eserlekuari ''eusten dion'' Gobernua bertatik kentzearen alde agertu da Jose Miguel Nuin Izquierda-Ezkerra taldeko bozeramailea, eta mozioari babesa eskaini dio.
Albiste gehiago politika
Eneko Goiak ez du argitu Donostiako alkatetza utzita zer egingo duen: "Denboratxo bat hartu nahi dut eta gero hartuko dut erabakia"
Donostiako alkateak urriaren 16an utziko du kargua, hiriaren egoerari buruzko osoko bilkuraren ostean. Diputatuen Kongresura joateko aukerari buruz galdetuta, ez dio aterik itxi aukera hori, baina argi utzi du ez dagokiola berari erabakitzea.
Albiste izango dira: Eneko Goiaren erreleboa, Global Sumud Flotilla eta medikuen greba Hego Euskal Herrian
Gaurkoan Orain-en albiste izango direnen laburpena, bi hitzetan.
Hainbat aburu, Donostiako Udaleko taldeen artean, Goiaren agurra dela eta
PSE-EEn lasai eta sorpresarik gabe hartu dute albistea. Adostutako proiektuak betetzen jarraituko dutela adierazi dute. EH Bilduk eta Elkarrekin Podemosek, berriz, aldaketa gorabehera, hiriak norabide berari jarraituko diola kritikatu dute. Alderdi Popularrak, aldiz, esker oneko hitzak izan ditu Eneko Goiarentzat.
Jon Insausti da Donostiako alkate izateko hautagai nagusia Eneko Goiaren tokia hartzeko
Goiak datorren urriaren 16an utziko du alkatetza, karguan 10 urte egin ondotik. Erreleboari buruz galdetuta, Goiak erantzun du alderdiari dagokiola erabakia hartzea, baina hautagai "bikainak" daudela nabarmendu du. Itxura guztien arabera, Jon Insausti Kultura, Euskara eta Turismo zinegotzia izango da EAJren alkategaia 2027ko udal hauteskundeetan.
Pradalesek Flotillako kideak atxilotu izana salatu du, eta Giza Eskubideak eta Nazioarteko Zuzenbidea errespetatzea eskatu du
Lehendakariak adierazi duenez, Eusko Jaurlaritza "oso gertutik" ari da jarraitzen Askatasunaren Flotillaren egoera, eta nazioarteko uretan aktibistak atxilotzea Nazioarteko Itsas Zuzenbidea "nabarmen urratzen" duen gertakaria dela esan du.
Eneko Goia: "Aspaldian hartu nuen erabakia; ona da hasiera eta amaiera duten zikloak egotea"
Donostiako egungo alkateak iragarri duenez, datorren urriaren 16an, Donostiako Udaleko Politika Orokorreko Osoko Bilkura amaitutakoan, alkate izateari utziko dio. "Beti izan dut buruan 10 urteko muga", azaldu du. Haren ordezkoari dagokionez, erabakia alderdiari dagokiola esan du.
Eneko Goiaren biografia: hamar urte, etorkizuneko Donostia diseinatzen
2015ean aukeratu zuten Donostiako alkate, eta EAJk hiriko aginte-makila berreskuratzea lortu zuen, 28 urteren ostean. Haren agintaldian, hiria eraldatzeko azpiegiturak sustatu ditu Goiak, eta hainbat errokari egin behar izan dio aurre, turistifikaziori, berbarako.
Eneko Goiak ez du Donostiako alkate izaten jarraituko
Hain zuzen ere, urriaren 16an utziko du kargua Eneko Goia (EAJ) Donostiako egungo alkateak, hamarkada bat baino gehiago udalburu izan ostean.
Herritarren % 43k Gernikako Estatutua hobetzearen alde egin dute, eta % 20k dagoen bezala mantentzearen alde
Euskal autogobernuaren etorkizunari buruzko eztabaida betean, EITB Focusek ondorioztatu du hamar euskal herritarretatik lauk Gernikako Estatutua hobetzearen aldeko apustua egingo luketeela, % 20k dagoen bezala uztea nahiago lukete, eta % 18k EAEk Estatuarekin duen harreman-estatus berri baten alde egiten dute.
Eusko Jaurlaritza eta Aldundiak, baloraziorik onena jaso duten erakundeak; Espainiako Gobernuak ez du gainditu
EITB Focusek erakundeek egiten duten kudeaketa baloratzeko eskatu die euskal herritarrei, Europar Batasunetik hasi eta bizi garen udaleraino. Eusko Jaurlaritza da nota onena lortu duena, 10etik 6.