Urkulluk ekainean aurkeztuko du egutegi legegilea Legebiltzarrean
Iñigo Urkullu lehendakariak iragarri duenez, Gobernu Kontseiluak onartu ondoren aurkeztuko du legegintzaldi honetarako egutegi legegilea. "Errealista" izango dela adierazi du,legegintzaldi honetan betetzeko modukoa,. Halaber, ekainean Eusko Legebiltzarrean aurkeztea espero duela adierazi du. Egutegi hori lehenbailehen aurkezteko eskatu dio oposizioak Eusko Jaurlaritzari.
Eusko Legebiltzarrean gaur egiten ari den osoko bilkuran egin du iragarpena Urkulluk, EH Bilduk legegintzaldi honetarako Eusko Jaurlaritzaren egutegi legegilea aurkezteko eskatu ondoren.
Jaurlaritzak legealdi honetan proposatuko diren 18 lege proiektuen txostenak bukatuta izan beharko ditu ekainaren 15erako. Egun horretatik aurrera, sail bakoitzak hilabeteko epea izango du proposamenak egiteko.
Gobernu Kontseiluak programa legegilearen proposamena egingo du, eta ekainean Legebiltzarrera eramango dute. "Egutegi legegilea onartu ondoren, Legebiltzarrean azaldu ahal izatea da nire konpromisoa", iragarri du.
Urkulluk zehaztu du egutegi "errealista" osatzeko konpromisoa hartu duela, eta hori dela eta, "legealdi honetan betetzeko moduko egutegi legegilea" onartuko duela. Lege proiektu bakoitzaren txostenean zehaztuko dute Gobernu Kontseiluan zein Eusko Legebiltzarrean noiz aurkeztuko diren, horren esanetan.
Oposizioaren kritikak lehendakariari
EH Bildu, PSE-EE, PP eta UPyD alderdiek egutegia lehenbailehen aurkezteko eskatu diote lehendakariari.
Laura Mintegi EH Bilduko bozeramaileak egutegi legegile bat izatea oso garrantzitsua dela nabarmendu du, "nolako herria eraiki nahi den" baldintzatzen duelako, eta egutegi hori "ahalik eta azkarren" aurkezteko eskatu dio Urkulluri.
Jaurlaritzari egonkortasuna emateko, gobernatzeko bazkide posibleen artean aukeratzeko eskatu dio PSE-EEko Jose Antonio Pastor bozeramaileak Urkulluri. "EH Bildu, PP edo gu, baina erabakia hartu beharko du. Gobernuak ezin du biziraun soilik, gobernatu egin behar du", gaineratu du.
Arantza Quiroga PPko bozeramaileak Jaurlaritzaren "ahultasuna" nabarmendu du, eta proiektuak noren babesarekin onartu nahi dituen zehazteko eskatu dio Urkulluri. Lehendakariak oposizioa konbentzitzea lortzen ez badu, Legebiltzarrak legeak atzera botako dituela esan du Quirogak.
Urkulluren gobernua gutxiengoan dagoenez, akordioak lortzeko bazkideen beharra duela azpimarratu du UPyDk.
Albiste gehiago politika
Abalosek aitortu gabeko diru-sarrerak eta PSOEren ordainketak atzeman ditu UCOk
"Ordainketa jakin batzuk" bat datoz PSOEk emandako informazioarekin, baina gaineratu du "aztertutako ebidentzien artean PSOEk eskudirutan egindako beste ordainketa batzuk" daudela, "inolako dokumentu-babesik eta informaziorik gabe".
Aburtok legealdia agortzeko asmo sendoa du
Eneko Goiaren agurraren berri izan ondoren, Bilboko alkateak adierazi du berak legealdia agortzeko asmoa duela. "Nik oraindik ia bi urte dauzkat aurretik gure lanarekin jarraitzeko. Momentu honetan ez dut urrunago begiratzen", esan du Juan Mari Aburtok.
Gorenak azaroaren 3a eta 13a bitartean epaituko du fiskal nagusia, eta Ayusoren kabineteburuak eta Lobatok deklaratuko dute
Gehiengoa duten zazpi magistratu kontserbadoreek eskatuta, Francesc Valles Komunikaziorako Estatu idazkari ohiak eta Pilar Sanchez Acera Moncloako aholkulari ohiak lekuko gisa deklaratuko dute.
Jon Insausti, udal kudeaketan eskarmentu handia duen gazte donostiarra
Jon Insausti, 36 urteko donostiarra, 2015etik da zinegotzia, enpresa pribatuetan hainbat esperientzia profesional izan ondoren. Enpresa Zuzendaritza eta Administrazioan lizentziaduna, Kultura, Euskara eta Turismo zinegotzia izan da azken urteotan.
Espainiako Gobernuak Konstituzioa erreformatzeko proposatuko du abortua eskubide gisa sartzeko
Gobernuko iturriek zehaztu dutenez, erreformak ezarriko du abortuaren arloan ematen den informazio guztiak "oinarri zientifiko objektiboa" izan behar duela, eta "nazioarteko erakundeen estandarrek" babestuta egon behar duela, hala nola Osasunaren Mundu Erakundearena (OME) eta Amerikako Psikiatria Elkartearena (APA)". "Oinarri zientifikorik gabeko teoriek, hala nola ustezko 'abortuaren osteko sindromeak', ez lukete lekurik sailkapen horietan", ohartarazi dute Exekutibotik.
"Ilusioa sortzen duen Donostia gaztetuaren alde" lan egiteko prest agertu da Jon Insausti
Donostiako alkate izango denak “esker ona” agertu du erakutsitako konfiantzagatik, eta uneotan “emozioa, ilusioa eta ardura” nagusi dituela esan du. “Erabakiak hartzeko eta erronkei aurre egiteko prest nago", nabarmendu du jeltzaleak.
"Donostiar euskaldun petoa" gisa definitu du GBBk Insausti
Euge Arrizabalaga GBBko presidenteak adierazi du Jon Insaustik "hiriaren ezagutza sakona" duela, baita "gaitasuna eta gogoa" ere.
GBBk konfirmatu du Jon Insaustik ordezkatuko duela Eneko Goia
EAJren Gipuzkoa Buru Batzarrak Jon Insausti izendatu du Donostiako alkate, Eneko Goiak urriaren 16an kargua utziko duela iragarri ostean.
Maria Chivitek esan du lasai dagoela eta ez duela ezer ezkutatzeko Cerdan auzian
Eskuineko alderdien zirku bat iruditzen zaio guztia Nafarroako presidenteari. Chiviteren esanetan, ustelkeria da oposizioak foru gobernua eskuratzeko duen azken esperantza.
El Gobierno de España propone una reforma de la Constitución para incluir el aborto como un derecho
Según han detallado las fuentes del Gobierno, la reforma establecerá la obligación de que toda la información que se brinde en materia de aborto tenga "base científica objetiva" y esté respaldada por "estándares de las instituciones internacionales como la Organización Mundial de la Salud (OMS) y la Asociación Americana de Psiquiatría (APA)". "Teorías sin base científica como el supuesto 'síndrome posaborto' no tendrían cabida en estas clasificaciones", avisan desde el Ejecutivo.