Foro Sozialak ETA desarmatzea eta presoak gizarteratzea eskatu du
Nazioarteko Bake Konferentzia hartu eta urte eta erdira, ETAk indarkeriaren amaiera iragarri eta gero abiatutako bake prozesua "desblokeatzeko eta sustatzeko" beste ekimen bat ekimen bat egin dute astelehen honetan Aieteko Jauregian (Donostia).
Hori horrela, Bake Prozesua Indartzeko Foro Sozialak 12 "gomendio" helarazi dizkie gaur presoei, ETAri eta Espainiako Gobernuari.
Foro hori martxoaren 14an eta 15ean egin zuten, Iruñean eta Bilbon, eta Lokarri eta Bake Bidea plataformek antolatu zuten. Bertan, gatazken konponbidean aditu diren nazioarteko eragileak alderdi politikoekin eta mugimendu sozialekin batzartu eta hitz egin zuten.
Bileron ondorio gisa, Foro Sozialak "eragindako mina aitortzea" aholkatu die presoei, "armak eta egitura militarrak desegitea" ETAri, eta "legeak errealitatera egokitzea" eta iheslarien egoera aztertzea Espainiako Gobernuari, beste hainbat konturen artean.
12 gomendioak
Txostenaren lehen puntuan, Foro Sozialak "elkarrizketa eta berradiskidetzea" sustatzeko deia egin du, "etorkizuneko elkabizitzarako oinarri sendoak" ezartzeko. Ahalegin horretan "erakundeak, alderdi politikoak eta gizarte zibila" egon beharko liratekeela uste dute.
Hurrengo bi puntuetan, "zentzuzko denbora-tarte batean" ETAren egitura militarrak eta armak desegiteko prozesu "kontrolatu, ordenatu eta adostu" bat abiatzea aholkatu du. Gainera, prozesu horren hasieratik "erakunde erraztaile independienteen esku hartzea" proposatu du, "egindakoaren segurtasuna emateko".
Presoen eta iheslarien alorrean, "giza eskubideen kontra edo presoen trataera humanitarioaren kontra doazen espetxe politikaren aspektuak aldatzea" gomendatu dio Espainiako Gobernuari. Horren ildotik, zigorra bete duten eta gaixotasun larriak dituzten presoak askatzea, sakabanaketaren amaiera eta iheslariak "gizarteratzeko bideak aztertzea" aipatu dituzte.
Presoei, halaber, "bakearekin konpromisoa agertzeko, indarkeriari uko egiteko eta eragindako mina aitortzeko" deia egin die.
Foro Sozialaren ustez, presoen gizarteratze prozesuak "banakakoa" izan behar du, eta "era mailakatuan eta zentzuzko denbora-tarte batean" abiatu behar da. Era berean, presoak prozesuaren parte izatea aldarrikatu dute.
Giza eskubideei dagokienez, foroak horien egoera aztertzeko "erakunde independente bat" sortzea eta "Estatuaren Segurtasun Indar eta kidegoen kopurua eta eginkizuna berdimentsionatzea" proposatu du.
Bestalde, foroak "inpunitataren" aurka egin du, baina nazioarteak justiziaren ezarpena "bake prozesu testuingurura" egokitzea ahalbidetzen duela gogorarazi du,
Oroimenaren eta bizikidetzaren arloan, Foro Sozialak "gertatutakoa eta horren kausak azertzea, biktima guztiak aintzatestea, eragindako mina aitortzea eta kalte-ordainak ematea" aholkatu du.
Azkenik, "biktima eta giza eskubideen urraketa guztien datu base ofizial bat sortzea" gomendatu du, "jazotakoaren memoria gordetzeko".
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.