EAJk eta PSEk 'herrialde mailako akordio zabalak' negoziatuko dituzte
EAJ eta PSE-EE ekonomia arloko "herrialde mailako akordio zabalak" negoziatzen hasiko dira datorren astelehenean, erreforma fiskalaren eta iruzurraren kontrako politiken inguruan jeltzaleek abiatu zuten bilera-sortatik harago.
Jeltzaleen eta sozialisten arabera, "negoziazio zabala" izango da, "maila politiko altukoa".
Ekonomia suspertzeko eta langabeziari aurre egiteko politikak, erakundeen eta elkarte publikoen erreforma, zerbitzu publikoen iraunkortasunarekiko konpromisoa, erreforma fislaka eta iruzurraren kontrako borroka izango omen dituzte hizpide negoziazioetan.
Lehenengo bilera Eusko Legebiltzarrean izango da, eta EAJren ordezkariak Joseba Aurrekoetxea, Joseba Egibar, Pilar Garcia de Salazar eta Koldo Mediavilla EBBko kideak izango dira.
PSE-EEk, berriz, Rodolfo Ares, Idoia Mendia eta Antonio Pastor, Txarli Prieto eta Iñaki Arriola EAEko hiru lurraldeetako buruak eramango ditu.
Andoni Ortuzar (EAJ) eta Patxi Lopez (PSE-EE) alderdien buruzagi gorenak, beraz, ez dira bileran egongo.
Legegintzaldia hasi zenetik, 2012ko azarotik, jeltzaleak eta sozialistak "herrialde mailako akordioak" lortzeko prest agertu dira, baina, aldi berean, kritika gogorrak egin dizkiote elkarri.
EAJren eta PSE-EEren artean zegoen "gatazka giroa" aldatzen hasi zen maiatzaren 21ean. Iñigo Urkullu lehendakaria alderdi politiko guztiekin elkartu zen eta lau "akordio zabal" proposatu zituen, hain zuzen ere, sozialistek proposatu zituzten berdinak.
Bileraren ostean, "garai berri bat" ireki zela adierazi zuen Urkulluk, eta sozialistek jarrera aldaketa bat antzeman zuten jeltzaleengan.
Gehiengoa Legebiltzarrean
EAJk gutxiengoan agintzen du EAEn, 75 legebiltzarkideetako 27 baititu, eta dagoeneko Aurrekontuak baztertu behar izan dituzte babes faltagatik.
"Herrialde mailako akordio zabalak" Aurrekontuak eta egitasmo ekonomikoak aurrera ateratzea ahalbidetuko lioke Jaurlaritzari.
Zure interesekoa izan daiteke
Etchegarayk ez dio sinesgarritasunik ikusten Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogoratu die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.