EH Bildu: 'EAJk PSEri emango dion saria ezagutzea bakarrik falta da'
EH Bildu ziur agertu da EAJ eta PSE akordio batera iritsiko direla. "Trukean jeltzaleek sozialistei emango dien saria zein izango den jakitea baino ez da falta", erantsi du.
"Akordio hori hanka-sartze bat izango da, bi aldeen interes pertsonalak eta politikoak lortzeko asmoz egindakoa", kritikatu du EH Bilduk. Oskar Matutek (Alternatiba), Rebeka Uberak (Aralar), Juanjo Agirrezabalak (EA) eta Maribi Ugarteburuk (Sortu) agerraldia egin dute Donostian EAJ-PSE bilerari buruz hitzegiteko.
Oskar Matutek nabarmendu du EAJren eta PSEren arteko elkarlana aurretik datorrela. "EiTBko zuzendaritzaren izendatzea da aurrekaria eta beste hitzarmen batzuk ere izango dira, hala nola, Arartekoarekin lotutakoak", adierazi du.
EAJren eta PSEren arteko balizko akordioa bi aldeen "beharrizanen ondorioa" dela esan du. "Egungo eredu ekonomiko eta soziala mantendu nahi dute, gizartearen gehiengoa zigortuta", kritikatu du.
"Laster itxiko duten hitzarmenarekin EAJk bere ahultasuna ezkutatu nahi du, noraezean dagoelako eta egonkortasuna bilatu nahi duelako; eta PSEk ere gauza bera egin nahi du, boterea galdu zuenetik presentzia politikoa berreskuratzeko beharrizana daukalako", azaldu du Matutek.
"Argi dagoena da eredu sozioekonomikoez eta herritarren beharrizanez hitzegiteko asmorik ez dutela. Euren apustua porlana, prekarietatea eta oinarrizko eskubideen murrizketa dira", erantsi du.
PPren proposamena
Oposizioko taldeek jeltzaleen eta sozialisten bilera kritikatu duten bitartean, PPk "hiruko akordioa" egitea proposatu du, "etorkizuneko" akordioa litzatekeela eta Euskadiri egonkortasuna emango liokeela iritzita, "EAJk eta PSE-EEk ados dezaketena baino gehiago behar duelako erkidegoak".
Borja Semper PPren bozeramaileak "akordio globala" eskatu du herrialdeak bizi duen "salbuespenezko egoeraren" baitan, eta EAJren eta PSE-EEren akordioak "soilik botererako eta adabakietarako" balioko duela ohartarazi du.
Akordio hori beste erakundeetara eramateko zailtasuna nabarmendu du PPk, horregatik Legebiltzarrean "hiruko akordioa" egitearen alde azaldu da; izan ere, horren iritziz, "politikariak salbuespenezko egoeretan ados jar daitezkeela erakusteko" balio izango luke.
UPyDren kritika
Azkenik, UPyDk jeltzaleek eta sozialistek prestatzen duten "estalitako akordioaren" helburua "karguak eta postuak gordetzea" dela uste du.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.