EAJk eta Sortuk euskal gatazka konpontzeko akordioak bilatuko dituzte
Gatazkaren konponbidea bilatzeko edota subiranotasunaren alde urratsak emateko akordioetara heltzeko gai izango direla ondorioztatu dute Sortuk eta EAJk, "ezberdintasun asko dituzten arren".
Bi alderdien ordezkaritzek lehen bilera ofiziala egin dute gaur goizean Sortuk Donostian duen egoitzan, harremanak formalizatzeko asmoz. Gaurko batzarra prestatzeko beste bilera batzuk egin dituztela azaldu dute. Irailean berriro elkartzea aurreikusita dute.
EAJren ordezkaritza Andoni Ortuzarrek, Pilar Garcia de Salazarrek, Joseba Egibarrek eta Koldo Mediavillak osatu dute; Sorturena, Hasier Arraizek, Rufi Etxeberriak, Pernando Barrenak eta Maribi Ugarteburuk.
Andoni Ortuzar EAJren EBBko presidenteak bileraren ostean egindako agerraldian esan duenez, "ezberdintasun asko ditugu eta gure estrategiak antagonikoak dira, baina indarkeriarik gabeko Euskadi berrian akordioetara heltzeko ardura dugu".
"Harreman politikoa izateko oinarriak ezarri behar ditugu, elkarrenganako errespetua lortzeko, eztabaidatzeko eta etorkizunerako ibilbide-orri politiko eta demokratiko bat osatzeko", erantsi du.
Hasier Arraiz Sortuko idazkari nagusiak gaurko bilera "positiboa eta eraginkorra" izan dela adierazi du, bi alderdien arteko harremanak normalizatzeko bidean. "Egoera politikoa normalizatzen ari denaren erakusgarri da, gure ustez prozesua astiroegi garatzen ari bada ere", esan du.
EAJren eta Sorturen artean ardurak leporatzen egoteko garaia amaitutzat eman du eta bi alderdien arteko harremanetan "aro berri bat" hasi dela azpimarratu du.
Arraizek gogora ekarri du "PPk eta PSOEk bakegintzan nahiz eraikuntza nazionalaren aurrean blokeoaren aldeko apustua" egin dutela. Bai Sorturentzat bai EAJrentzat gatazkaren konponbidea eta subiranotasuna "lehentasunak" direla gaineratu du.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.