Nazioarteko bake konferentzia bat egingo dute Donostian urrian
Urrian, mundu osoko hainbat alkatek nazioarteko bake konferentzia bat egingo dute Donostian, Juan Karlos Izagirre Donostiako alkateak EiTBri jakinarazi dioenez.
Mundu osoko alkateek euren herrietako gatazken inguruko esperientziak elkartrukatuko dituzte Donostian. Alkateez gain, gatazkak konpontzen eta bakea eraikitzen adituak diren hainbat lagunek parte hartuko dute.
Donostiako Udala da ekimena bultzatu duena, eta "Bakearen Aldeko Alkateak" nazioarteko erakundeari luzatu dio gonbidapena Esparru lokaletatik bakea eraikiz konferentzian parte har dezaten. Ekitaldi guztiak Aieteko Bakearen Etxean eta Kursaal jauregian egingo dira.
Donostia Euskal Herriko bake prozesuko ikur bihurtu da, bereziki Aieteko adierazpena egin zenetik, Juan Karlos Izagirreren arabera, eta, horregatik, hiria toki egokia da, haren hitzetan, topaketa egiteko. Halaber, esparru lokaletatik egiten diren ekarpenak garrantzitsutzat jo ditu.
"Mundu osoan gertatzen diren esperientzietatik ikasteko aukera da, baita Euskal Herrian gertatzen ari dena mundura zabaltzeko ere", esan du Izagirrek.
"Nazioarteko hainbat alkateren ekarpena ez ezik, gatazkak konpontzen eta bakea eraikitzen adituak diren zenbait pertsonak ere euren ekarpena egingo dute konferentzian", Izagirrek azaldu duenez.
Litekeena da Iñigo Urkullu lehendakariak hasierako ekitaldian parte hartzea.
Eztabaida tadeak
Alkateak iragarri duenez, lau taldetan bananduko dituzte konferentziako eztabaidak: "Hirien gaineko eztabaidak, bake prozesuak eta gatazkak; gatazkaren konponketaren ondorengo erronkak; nazioartean bakea lortzeko ekarpena, eta herri mailako lana".
Esparru horietan "gatazken eraldaketa prozesuetan sartuta dauden hirietako alkateen ikuspuntuak" izango dituzte hizpide, eta "konponbidean aurrerapausoak eman eta orain erronka berriak dituzten herrien esperientziak" partekatuko dituzte.
Halaber, "gatazken konponbiderantz aurrerapausoak ematen lagundu duten ekimenak martxan jarri dituzten hirietako alkateen" iritziak ezagutuko dira, eta "herri mailatik elkarrizketa eta adiskidetzearen alde egin daitekeen lana" aztertuko dute.
Batetik, konferentzia honen nondik norakoak ezagutarazi ditu Izagirrek; bestetik, Donostia "bakearen erreferente" zergatik den azaldu du. Gainera, ziur agertu da udalek lan handia egin dezaketela bakearen alde, eta "Hiroshima eta Nagasaki orain dela 68 urte suntsitu zituztela eta Gernikako bonbardaketa" gogoan izan ditu.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.