Rajoyk beti egia esan duela adierazi du Barredak
Leopoldo Barreda PPko diputatuak azpimarratu du Mariano Rajoyk "une oro" egin esan duela 'Barcenas auzia'ri buruz, eta Barcenasen defentsaren estrategia gogor kritikatu du: "Batzuk manipulatzen saiatu arren, azkenean egia gailenduko da".
Onda Vasca irratian egindako elkarrizketa batean berretsi egin du Alderdi Popularra justiziarekin elkarlanean aritzeko prest dagoela.
Aste honetan Maria Dolores de Cospedalek, Javier Arenasek eta Francisco Alvarez-Cascosek deklaratuko dute Auzitegi Nazionaleko Pablo Ruz epailearen aurrean, lekuko gisa.
"Agerraldi horiek egia ezagutzea ekarriko dute, eta agerian geratuko da Barcenasek adierazitakoa bere defentsaren estrategia baten ondorio dela", nabarmendu du Barredak.
"Alderdi Popularra beti aritu da Justiziarekin elkarlanean, eta orain, gure idazkari nagusiak deklaratzera deitu dituztenean ere, gauza bera egingo dugu", erantsi du.
Barcenasek Euskadiko PPren kontra egindako akusazioaren harira, dena ukatu du Barredak. "Bilboko egoitzaren diru-mugimendu guztiak kontabilizatuta daude eta hipotekaren kreditu guztiak noiz ordaindu diren erregistratuta daukagu, baita Donostiako eta Gasteizko egoitzenak ere".
Rajoy-Urkullu bilerak
Bestalde, Iñigo Urkullu lehendakariak Mariano Rajoyrekin izandako bilerak izan ditu hizpide. Espetxe-politikari buruz lehendakariak egindako proposamenari Rajoyk erantzuteko beharrik ez duela esan du Barredak. "Espainiako Gobernuak oso argi dauka kasu horretan nola jokatu behar duen eta legea aplikatzera mugatzen da", azaldu du.
Lehendakaria eta Espainiako Gobernuko presidentearen arteko bileren berri bazuela esan du. "Epe laburrean garrantzitsuak diren gaiak jorratzeko izan dira, hala nola, krisi ekonomikoa edota ontziolen laguntza-sistema", zehaztu du.
Zure interesekoa izan daiteke
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.