Aurreko legealdiko Lantaldeari heltzeko eskatu dio PPk Urkulluri
Anton Damborenea Bizkaiko PPren presidente eta legebiltzarkideak aurreko legealdiko Lantaldeari heltzeko eta Bildu onar dezala exigitzeko eskatu dio Iñigo Urkullu lehendakariari. Bitartean, eta PSEk ostiral honetarako deituta zegoen bilerara ez joateren erabakiaren inguruan, "Ez du merezi oinarririk gabeko lantalde batean lan egitea", esan du Damboreneak.
Damboreneak Bilbon egindako prentsaurreko batean adierazi duenez, Urkulluren Gobernuak "hilabete asko daramatza, eurek jakingo dute zergatik, Bildu eta aurreko Batasuna ohoratzen".
Aurreko legealdiaren amaieran, "EAJren, PSEren, ezker abertzalearen alde baten eta PPren artean gutxieneko akordio bat" lortu zela gogoratu ostean, egungo legaldian, "hiltzea txarto ez, oso txarto, dagoela atzo, gaur eta herenegun" Bilduk onartu ezina kritikatu du Damboreneak.
Horren ildotik, bere buruari galdetu egin dio "hori onartu ere egiten ez duen alderdi bat gure artean dugun bitartean, zentzurik al du horiekin lantalde batera joatea? Zeren inguruan hitz egin al da? Ezeren inguruan", gaineratu du.
Damborenearen esanetan, PSEk ostiralerako bilerara ez joateko erabakiaren inguruan, "aukera badago, eta Urkulluk badauka" aurreko legealdiko Lantaldeari heltzeko eta, adostasun horretan oinarrituta, "ezker abertzaleari eta Bilduri eskatu onar dezaten alderdi guztiek ezarritako zoru etikoa eta demokratikoa".
Ohartarazi duenez, "hori gertatu ezean, ez dauka inolako zentzurik Bildurekin ezertaz hitz egitea". "Lehendakariak, Bilduren jokoa jarraitu beharrean, legealdi hori berreskuratuz gero, lan egin ahal izango dugu. Bitartean, ez du zentzurik lantaldearen gainean hitz egitea, oinarririk ez duenean".
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.