Fernandez: 'Bakerako lantaldeak aurrera egingo du, oztopoak oztopo'
Jonan Fernandez Bake eta Bizikidetzarako Jaurlaritzako idazkaria baikor agertu da Bakerako lantaldearen inguruan, azken asteetan sortutako arazoak alde batera utzita.
Fernandezen ustez, gutxieneko akordio sendoa lortzeko helburua gauzatu egingo da, eta akordio horretan euskal politikako lau familia handiek bat egitea espero du: "Lau familia politikoen artean bilgune bat bilatu behar dugu bizikidetzari dagokionez, eta hori elkarrizketaren bidez lortu behar dugu. Hori da momentu historikoak eskatzen diguna", azaldu du Fernandezek.
Bake eta Bizikidetzarako idazkaria PSEk irailaren 13rako deituta zegoen bilera atzeratzeko eskaeraz ere aritu da. Atzerapen horren bidez, EH Bilduri "zoru etikoa" onartzeko denbora eman nahi diote sozialistek Jonan Fernandezen ustez, "talde politikoen arteko desadostasunak jokoaren parte dira eta onartu egin behar ditugu (...) iraganetik datozen beldurrek bultzatutakoak dira, beldur horiek etorkizunera eramaten ari garelako". Hala ere, beldurrak beldur, Fernandezentzat "ezin dugu oztopo horiek gutxieneko akordio bat lortzea saihestea utzi, hori baita lantaldearen helburu nagusia".
Akordiorako aukera
Familia ezberdinen arteko akordioaz hitz egitean, Jonan Fernandezek Gipuzkoako egoera aipatu du, bertan "EH Bilduk PSErekin eta PPrekin zenbait gaietan ados jartzea lortu baitu". "Fiskalitatean eta Kultura Hiriburuan gaian ados jartzea lortu badute, zergatik ez dute gauza bera egingo elkarbizitzaz hitz egiten dugunean"?
Desarmea, "berehala"
ETAren desarmeari dagokionez, Bake eta Bizikidetzako idazkariak esan du prozesua egin egingo dela, baina ez dakiela noiz eta nola.
"Hala ere, garrantzitsua da desarme hori prozesu berehala ematea eta serioa izatea, ez ekintza sinboliko hutsa", azpimarratu du jarraian.
Zure interesekoa izan daiteke
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
Botere Judizialaren Kontseiluak atea zabaldu du Peinado epaileari espedientea irekitzeko, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.