PSE: 'EH Bilduk zoru etikoa onartzen ez badu Lantaldea blokeatuko da'
EH Bildu koalizioak "zoru etikoa" onartzen ez badu Eusko Legebiltzarreko bakerako lantaldea blokeatu egingo da, Jose Antonio Pastor PSE-EEk Eusko Legebiltzarrean duen bozeramailearen arabera. Balizko blokeo horren aurrean EAJk zeresan handia izango lukeela gaineratu du.
Europa Press albiste agentziari eskainitako elkarrizketan egindako adierazpenen arabera, PSE-EEk hasieratik erakutsitako jarrerari eutsi diola uste du Pastorrek. Etenaren ondoren, bakerako lantaldea irailean hasiko da lanean.
"Bakerako lantaldea ez zela hutsetik hasiko ohartarazi nion EH Bilduri, eta, beraz, orain ez da gure arazoa", adierazi du Pastorrek. Horren ustez, Bilduk zoru etikoa ez onartzea da arazoa. Bakerako lantaldearen bilerak irailera atzeratzea eskatu zuen PSE-EEk aurrera egiteko baldintzak ez zeudela argudiatuta.
PPrekin kritiko agertu da Pastor, eta "jarrera itxia izatea eta konfiantza eza" leporatu dizkio.
Desarmatzea
ETAren balizko desarmatzeaz eta desegiteaz galdetuta ezkor agertu da eta "ETAk gertatzen ari denaren ardura besteei leporatzen diela" gaineratu du. Edonola ere, irailean bere desegitea iragartzeko komunikatu bat argitaratuko duela iritzi dio.
Espainiako Gobernuaren jarrera kritikatu du egoera errazten lagunduko luketen neurriak ez hartzeagatik. Kartzela politika malgutzea proposatu du, esaterako.
Pastorren esanetan, Espainiako Gobernuari dagokio ETAren desegitea kudeatzea.
Zure interesekoa izan daiteke
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
Botere Judizialaren Kontseiluak atea zabaldu du Peinado epaileari espedientea irekitzeko, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.