PSE ez da lantaldean egongo EH Bilduk 'zoru etikoa' onartzen ez badu
PSE-EEk ez du Eusko Legebiltzarreko Bakerako Lantaldean parte hartuko EH Bilduk aurreko legegintzaldian gainerako alderdi politikoek adostu zuten "zoru etikoa" onartzen ez badu.
Patxi Lopez PSE-EEren idazkari nagusiak Bilbon emandako prentsaurreko batean azaldu duenez, ez dira lantaldean egongo EH Bilduk "oinarrizko" printzipio etikoak bere egiten ez baditu eta ETAren jarduera "ez dakit zer gatazkaren baitan" justifikatzen jarraitzen badu.
Lopezen esanetan, ezker abertzaleak ez du bide hori oraindik hartu, eta udan kontrako norabidean ibili da. Hori dela eta, PSE-EE ez da irailaren 13an Bakerako Lantaldeak egingo duen bilerara joango, EH Bilduk bere jarrera aldatzen ez badu.
"Bere garaian indarkeria justifikatu eta txalotu zutenek iraganaren berrikuspen kritikoa egin dezaten eta ardurak beregain har ditzaten lortzeko tresna bat da lantaldea. Ez badaude horretarako prest, eta hala dirudi, lantaldeak ez du zentzurik, helburuak urratzen baititu hasiera-hasieratik", gaineratu du.
EAEko sozialisten idazkari nagusiaren ustez, ezker abertzaleak lantaldeak jorratzen duenaren kontrako jarrera du, eta terrorismoaren biktimek ETAren indarkeria "ustezko gatazka batengatik" izan zela sinestea nahi du.
Hori dela eta, buruzagi sozialistak aitortu du "egunetik egunera mesfidatiagoa" dela lantaldearen etorkizunaz, ez baitu aldaketarik ikusten aipatu sektore politikoan.
"Kontua ez da Alderdi Sozialistak parte hartzen duen edo ez, baizik eta elkarbizitzaren oinarrizko arauak errespetatzen ez dituenak ezin duela parte hartu", azpimarratu du.
Horren harira, zalantzan jarri du bakearen eta elkarbizitzaren inguruko lantalde baten zentzua PP eta PSE-EE bertan ez badaude; izan ere, horiek omen dira "herri honetako biktimak".
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.