Rodriguez Galindo aske, 'jarrera ona' duelako
Enrique Rodriguez Galindo Guardia Zibileko jeneral ohiak baldintzapeko askatasuna lortu du zigorraren hiru laurdenak bete eta gero, iturri juridikoek jakitera eman dutenez. Galindo Lasa eta Zabala auzian zigortu zuten.
Espainiako Auzitegi Nazionaleko Espetxe Zaintzako Jose Luis Castro epaileak eman dio baldintzapeko askatasuna, "jarrera ona" duelako.
2004an zigorra kartzelatik kanpo betetzeko baimena eman zion Espetxe Zuzendaritzak Galindori, eta 2005eko urtarrilean hirugarren gradua eman zioten.
Rodriguez Galindo ETAren kontrako borrokan Guardia Zibileko jeneralik ohoratuena izan zen, baina 75 urteko espetxe-zigorra ezarri zioten Jose Antonio Lasa eta Jose Ignacio Zabala ustezko ETAko kideen bahiketan eta hilketan parte hartzeagatik.
2001ean ezarri zion espetxe zigorra Auzitegi Gorenak Tolosako bi errefuxiatuak bahitu, torturatu eta hiltzea egotzita. Baina lau urte eta lau hilabete egin ditu espetxean. 2004a ezkeroztik, bihotzeko gaixotasunagatik etxean ari zen betetzen kartzela aldia, poliziaren zaintzapean.
Orain, zigorraren hiru laurdenak bete dituela argudiatuta, baldintzapeko askatasuna eman dio Galindori Jose Luis Castro epaileak. Berak izendatutako senitartekoak zaintzeko baldintza jarri dio, non bizi den esatea, eta aldatu ezkero, jakinaraztea.
Lasa eta Zabala auziko epaiketan, 73 urteko espetxe zigorra jarri zion Auzitegi Nazionalak Angel Vaquero Guardia Zibilaren teniente koronelari, eta 71 urtekoa Galindori, Julen Elgorriaga Gipuzkoako Gobernadore zibil izandakoari eta Vayo zein Leal guardia zibilei.
Joxean Lasa eta Joxi Zabala, laster 30 urte, 1983ko urriaren 15ean bahitu zituen GALek Baionan. Intxaurrondoko Guardia Zibilaren kuartelera eraman zituzten eta Galindo jeneralak aginduta, torturatuak izan ziren. Hortik Alacant-eko Bussot herrira eramateko agindua eman zuen. Han hobi bat egin eta tirokatu egin zituzten, hil arte. Ondoren, kare bizitan lurperatu zituzten.
1985ean aurkitu zituzten gorpuzkinak, baina ezin izan zituzten identifikatu. Hamar urte pasata, jakin zuten gorpuak Lasa eta Zabalarenak zirela.
Zure interesekoa izan daiteke
Memoriaren Eguna ospatuko da gaur, Eusko Legebiltzarrean eta euskal hiriburuetan egingo diren ekitaldi instituzionalekin
Memoriaren Eguna ospatuko da gaur, terrorismoaren eta indarkeriaren biktimak oroitzeko hainbat ekitaldi instituzionalekin. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak eguerdian Gasteizen antolatu duten ekitaldi nagusia izango da.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.