Egibar: 'Autogobernuaren inguruko borondatea berritu behar da'
Joseba Egibar "Euskal Herriaren borondate politikoa berritzearen" alde agertu da. "Eskubide demokratikotzat" jo du hori Egibarrek eta "gainerako alderdi politikoekin adostearen" aldeko apustua egin du.
EITBn eskaini duen elkarrizketan, Egibarrek Gernikako Estatutua ekarri du gogora. "Bertan jasotzen denez, Euskal Herria, bere naziotasunaren adierazgarri, autonomia erkidegoan bilakatzen da", esan du. "Lege hori onartzeak ez du esan nahi, ordea, euskaldunek dagozkien eskubideei uko egiten dienik", adierazi du.
EAJko ordezkariaren aburuz, "hainbat saiakera egon dira, horien artean Madrilgo Gorteek 2004an atzera bota zuten Estatutu Berria". "Euskal Herriaren izatearen oinarrien inguruko borondate politikoa berritzeko unea heldu da", gaineratu du.
"Euskal Herriak erabakitzeko eskubidea duela uste dugu, eta erabakitzeko eskubideak era abstraktuan ez duela ezertarako balio. Eskubide hori gainerako alderdi politikoekin adostu behar da", gaineratu du.
"Badira egungo estatusa nahikoa dela eta horren azpitik egon behar dugula uste dutenak, PSEren eta PPren modura, Gernikako Estatua ez baitute bete", gogoratu du.
EH Bilduri ere aipamena egin dio Egibarrek, "haien aburuz Eusko Legebiltzarra ez da markoa moldatzeko ekimenak bultzatzeko zilegitasuna duen erakundea".
"EAJk neurtzen daki, kontatzen daki eta badaki nola jokatu", azpimarratu du. "Euskal Herriaren borondate politikoa berritzea da gure nahia, hori da proposatzen dugun eztabaida demokratikoa", esan du.
‘Ibarretxe Plana’ ere gogora ekarri du Egibarrek. "Egun ez du baliorik, nahiz eta erreferentzia bat izan", esan du. "EAJk printzipio demokratikoan sinesten du, eta printzipio demokratiko bat da guk Euskal Herriaren borondate politikoa berritu nahi dugula", amaitu du.
Albiste gehiago politika
Gastu militarrera % 2,1 bideratuko duela berretsiko du Sanchezek NATOren goi-bileran, presioak presio
Aliantza Atlantikoa osatzen duten 32 herrialdeetako ordezkariak Hagan elkartuko dira gaur eta bihar. Orotora, 45 estatuburu eta gobernuburu espero dira. Bigarren aldiz AEBko presidente kargua hartu zuenetik, lehen aldiz joango da Trump goi-bilerara.
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.