Eusko Jaurlaritzak "adostasun zabala" eskatu du Igeldoren inguruan
Josu Erkoreka Eusko Jaurlaritzaren bozeramaileak Igeldoko prozesua "ahal den adostasun zabalenarekin" egitea eta egungo legedia errespetatzea eskatu dio Gipuzkoako Aldundiari.
Gobernu bileraren ondoren emandako prentsaurrekoan azaldu duenez, Jaurlaritzak ez du Igeldoren auziari buruzko jarrera zehatzik, ez baitu prozesuan parte hartze zuzenik izan, Gipuzkoako foru erakundeen araudiaren baitan garatu delako.
"Eusko Jaurlaritzak espero duena da pausoak ahal den adostasun zabalenarekin ematea eta egungo araudia errespetatzea", azpimarratu du.
Donostiako Udalaren jarrera
Donostiako Udaleko Parte Hartze zinegotziak, Axier Jakak, Gipuzkoako Aldundiak Igeldoren inguruan hartutako erabakia izan du hizpide. Jakak adierazi duenez, “erabakia normaltasun demokratikoarekin jaso behar da, modu arduratsuan eta koherentziaz”. “Erabakiak, gainera, bizilagunen gehiengoaren babesa du”, adierazi du.
Oposizioko taldeak, berriz, erabakiaren aurka agertu dira. EAJ-PNVko Eneko Goiak esan duenez, “erabakia Udalaren bizkar hartu da eta ez da egokia”. “Bide juridiko eskasa” duela gaineratu du.
Goiak gaineratu duenez, bere taldeak ez du PSE eta PPk aurkeztuko duten zentsura mozioa babestuko.
PSEko Ernesto Gasco ere erabakiarekin kritiko agertu da. “Egun tristea da gaurkoa Donostiarentzat. Martin Garitanoren Aldundiak bere irizpideak ezarri ditu Udalaren aurka”.
Ramon Gomez Ugalde, PPko ordezkariak, bestalde, jeltzaleei egotzi die errua, “donostiarren kaltetan Izagirreri eta Garitanori babesa emateagatik”.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.