Presoen harreren eztabaida bake lantaldearen esku utzi dute
UPyD, PSE-EE eta PP alderdiek egindako hainbat proposamen errefusatu ditu gaur Eusko Legebiltzarrak. Hain zuzen ere, Parot doktrina baliogabetu ostean, aske geldituko diren presoen harreren aurkako proposamenak aurkeztu dituzte aipatutako alderdiek, eta EAJren eta EH Bilduren babesarekin, gai honekin lotutako eztabaida bake lantaldearen esku uztea adostu dute.
Aurreko astean ere, antzeko egoera bizi izan zuten Legebiltzarrean. Izan ere, PSE-EEk, Alderdi Popularrak eta UPyDk ETA deslegitimatzeko eskaera egin zuten, baina azkenean, EAJk aurkeztutako zuzenketa onartu ostean, eztabaida bake lantaldearen kargu geratzea hitzartu zuten.
Gaurko eztabaida Gorka Maneiro UPyD alderdiko bozeramaileak abiatu du. Maneirok, "indarkeriaren biktimak umiltzen edota mintzen" dituzten ekitaldi publikoen aurrean, Estatuko Fiskaltza Nagusiak neurriak hartzea eskatu du.
Proposamen hau, ordea, ez dute onartu. Gauza bera gertatu da PSE-EEk eta PPk aurkeztutako proposamenekin. Besteak beste, Herrizaingo Sailari omenaldiak saihesteko neurriak hartzea exijitu diote.
Proposamen guztiek EAJren eta EH Bilduren aurkako botoak jaso dituzte, presoen omenaldien eztabaida bake lantaldearen esku geratzea salbu. Bi alderdi hauen ustez, bake lantaldea da "bakegintzarekin eta normaltasun politikoarekin" lotutako gaiak lantzeko lekurik egokiena.
Zure interesekoa izan daiteke
EAJ: oposizioa haserre dago herri akordio handietan sartzen ez delako
Joseba Diaz Antxustegi EAJren Legebiltzarreko bozeramaileak nabarmendu duenez, Euskadiko oposizioa "haserre dago herrialdeko akordio handietan sartzeko gai ez izateagatik", eta haserre horrek "Madrilgo giro politikoaren polarizazioa eta zarata Euskadira ekartzera eraman ditu".
Pradalesek "bere etxea zaindu eta gobernatu" nahi badu, "etxebizitzarako eskubidea bermatzetik" hasi behar duela adierazi du Podemosek
Richar Vaquero Podemos Euskadiko koordinatzaile nagusiak adierazi duenez, bere alderdiak espero du Euskadin "inor ez dela legez kanpokotzat joko", migratzaileei erreferentzia eginez, eta euskarak "batzeko" balio izatea.
Eneko Andueza: "Autogobernu, eskumen eta euskal gizartearen gaineko erantzunkizun gehiagorekin itxi dugu urtea"
Eneko Andueza euskal sozialisten idazkari nagusiak nabarmendu duenez, "PSE-EEk erakunde guztietan bultzatzen dituen politika aurrerakoiek ongizate eta justizia sozial handiagoa dakarte".
Voxek "errealitate oso ezberdina bizitzea" leporatu dio Pradales lehendakariari
Amaia Martinezek, Voxek Eusko Legebiltzarrean duen legebiltzarkide bakarrak, lehendakari "harroa, autokonplazientea eta autokritikarik egiten ez duena" ikusi du. "Euskaldunok arazo asko ditugu eta lehendakariak euskara gehiagorekin, Euskadiren presentzia munduan zehar handituz eta euskal pilotaren ofizialtasunarekin konpontzen ditu", gaineratu du Martinezek.
Lehendakariak migrazioaren, euskararen eta autogobernuaren aldeko konpromiso partekatua eskatu du urte amaierako mezuan
Lehendakariak itxaropenaren aldeko deia egin du egungo nazioarteko testuinguru politiko "kezkagarriaren" aurrean, eta ohartarazi du "pazientzia agortzen" ari dela autogobernuaren inguruko konpromisoak ez direlako betetzen ari.
Jon Hernandez, Sumar: "Lehendakariak Euskadiko arazoen erantzule egin gaitu"
Jon Hernandezek, Eusko Jaurlaritzako Sumar koalizioko diputatuak, adierazi du "eskandaluzko" urte amaierako hitzaldia egin duela Imanol Pradales lehendakariak. Diputatuaren arabera, Pradales "autokonplazientea" izan da, eta "eguneroko errealitatetik erabat urrun" dago.
Javier de Andresek lehendakariari egotzi dio "euskal herritarren arazo nagusietako hiru ahaztu izana"
Javier de Andres Euskadiko PPko presidenteak uste du Imanol Pradales lehendakariak euskal herritarren arazo nagusietako hiru ahaztu dituela urte amaierako bere hitzaldian: etxebizitzaren kostua, delinkuentziaren hazkundea eta euskal herritarren erosteko ahalmenaren galera.
Imanol Pradales lehendakariaren urte amaierako mezua
Lehendakariak ohartarazi du testuinguru "kezkagarria" dela nazioartean eta politikan, eta itxaropenerako deia egin du. Gainera, autogobernuan aurrerapen eraginkorrak eskatu ditu, Espainiako Gobernuarekin lortutako akordioak bete ez direlako.
Hauxe esaten zuen Agirre lehendakariak 50eko hamarkadaren amaierako migrazio-fenomenoari buruz
Imanol Pradales lehendakariak bere aurrekoaren 1957ko diskurtsoari egin dio erreferentzia gaurko agerraldian.
"Itxaropena", Garaikoetxea lehendakariak telebistan eman zuen Gabonetako lehen mezuan gehien errepikatu zuen hitza
1982ko abenduaren 31n, ETBk Carlos Garaikotxea lehendakariaren mezu batekin hasi zituen emisioak. Mezu horretan lehendakariak itxaropen mezu bat bidali nahi izan zion indarkeriaren eta krisi ekonomikoaren ondorioz une zailak bizi zituen euskal gizarteari.