PSE 'oso erne' egongo da autogobernuari buruzko lantaldearen aurrean
PSE-EE "oso erne" egongo da Eusko Legebiltzarrean autogobernuari buruz sortuko den lantaldea ez dadin bihurtu "norbere proiektuen enkante edo, are gutxiago, gizartea hausteko edo herritarrak aurrez aurre jartzeko planteamenduetarako ate". Halaber, "Espainia eta Europa barruan estatutuan oinarritutako autogobernua izatea" formula arrakastatsua izan dela esan dute sozialistek, ohar batean.
Euskadiko sozialistek ostegun honetan egin dituzte ohartarazpen hauek, Euskadik estatus juridiko berri bat izateko helburuarekin EAJk Legebiltzarrean lantalde bat sortzeko eskakizuna egin eta gero.
Agiri batean, PSE-EEk EAJren proposamenaren inguruko iritzia helarazi du: "Argi utzi nahi dugu, lehenengo eta behin, lantaldea osatzeko eskakizuna EAJren betebeharrei eta agendari zor zaiola soilik. Ez da lehentasuna euskal gizartearen gehiengoarentzat; aitzitik, ordezkariek gizarte ereduari ahalik eta kalte txikiena eginez ahaleginak krisia gainditzera eta enplegua sortzera bidera ditzatela nahi du gizarteak", PSE-EEren idatziaren arabera.
Sozialisten iritziz, "Espainia eta Europa barruan estatutuan oinarritutako autogobernua izatea formula arrakastatsua izan da, eta herritar desberdinen arteko bizikidetza eta garapena ahalbidetu ditu"
"Gernikako Estatutua onartu zenetik 33 urte joan dira, eta prest gaude autogobernuak denbora honetan zelan funtzionatu duen aztertzeko Legebiltzarrean proposatu duten lantaldean parte hartzeko, gerora Eusko Jaurlaritzak, ezarritako prozesuari jarraituta, estatutua aldatzeko proposamen konkretu bat egin dezan", argitu dute sozialistek.
"Akordio zabala"
Horren ildotik, sozialistek esan dutenez, Legebiltzarreko lantaldeak "orain arte lortu den guztiari balioa ematea, autogobernuan egindako hobekuntzak identifikatzea eta, posible bada, estatutuko paktuak itxi zuen akordio zabala handitzea" nahi dute.
Albiste gehiago politika
Gastu militarrera % 2,1 bideratuko duela berretsiko du Sanchezek NATOren goi-bileran, presioak presio
Aliantza Atlantikoa osatzen duten 32 herrialdeetako ordezkariak Hagan elkartuko dira gaur eta bihar. Orotora, 45 estatuburu eta gobernuburu espero dira. Bigarren aldiz AEBko presidente kargua hartu zuenetik, lehen aldiz joango da Trump goi-bilerara.
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.