Santi Brouarden hilketa ikertzeko eskatu dio Amedok ANri
Jose Amedo polizia-komisario ohiak, Auzitegi Nazionalean aurkeztutako idazki batean oinarrituta, erakutsi du nork zuen "Santi Brouarden hilketaren erantzukizun intelektuala, atentatu horren egileek (Luis Morcillo Pinillos eta Rafael Lopez Ocaña) egindako adierazpenen arabera".
Zantzu horiek kontuan hartuta, Amedok Brouard auzia ikertzeko eskatu dio Auzitegi Nazionalari "GALeko kideek egin dutelako".
Orain arte, Brouard auzia Bilboko 1 zenbakiko Instrukzio Auzitegiak ikertu izan du, inoiz ez dutelako GALen atentatutzat hartu.
Rafael Lopez Ocaña Brouarden hiltzailea izateagatik zigortu zuten, eta Luis Maria Morcillok Ana Isabel Gasca Bilboko Auzitegiko instrukzio-epailearen aurrean onartu zuen (aurtengo apirilean) atentatuaren egilea bera izan zela, baina Bizkaiko Lurralde Auzitegiak horregatik zigortu eta hamar urtera egin ditu adierazpenok, jakinda ezin dutela gertaera horiengatik berriro epaitu.
Amedo epaitu eta absolbitu zuten 2003an Santiago Brouard hiltzeagatik; baina Luis Morcillori egindako grabaketetan, Morcillok Donibane Lohitzunen 1894ko uztailaren 10ean (Behe Nafarroa) La Consolation tabernaren kontrako atentatuaren egilea -Rafael Lopez Ocañarekin batera- dela onartzen du. Atentatuan ETAko hiru kide zauritu zituzten, eta ekintza GALek aldarrikatu zuen.
"Horrek erakusten du Luis Morcillo eta Rafael Lopez Ocaña GALen kide zirela Santiago Brouard hil baino lau hilabete arinago", azpimarratu du Amedok.
Gainera, polizia ohiak iragarri duenez, deklaratzera deitzen dutenean, hori espero baitu, idazkian agertzen diren zantzu guztiak aurkeztuko dizkio Auzitegiari.
Zure interesekoa izan daiteke
Parte-hartzea aurreko bozetan baino altuagoa izan da eguerdirako Pirinio Atlantikoetan, baina lehen itzulian baino txikiagoa
Gaurkoan, parte-hartzea % 23,95ekoa izan da 12:00etarako, baina % 26,74koa izan zen lehen itzulian; duela sei urte, berriz, % 19,85ekoa izan zen ordu horretarako. Ipar Euskal Herriko 11 herritan egiten ari dira udal hauteskundeak gaur.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.