Euskalerria Irratiak ilegalki jokatzeari uzteko eskatu dio Gobernuari
Euskalerria Irratiak "irregulartasunak" egiteari eta "legez kanpo" jokatzeari uzteko eskatu dio Nafarroako Gobernuari. Gainera, "1998an hasi zuen lizentziak esleitzeko lehiaketa" bertan behera utzi dezan exijitu du.
Nafarroako Unibertsitateko Radio Universidad eta Net 21 irratiei 2006an emandako behin-behineko lizentziak bertan behera utzi zituen Nafarroako Justizia Auzitegi Gorenak, Euskalerria Irratiak jarritako helegite baten ondorioz. Auzitegi Gorenak berretsi egin du erabaki hori, eta horren inguruan mintzatu dira irratiko ordezkariak.
Epaia "albiste ona" dela uste dute irratiko langileek, eta testu horrek "UPNren Gobernuak Euskalerria Irratiari eskubide bat ukatu" diola berresten duela adierazi dute. Hori dela eta, "iruzur horren erantzukizun politikoak eta, baleude, judizialak" garbitzeko eskatu dute.
Haien ustez, afera "larria" da, Nafarroako Gobernua "berrerorlea" baita. Hala erakusten du "epaitegiek hiru aldiz Gobernuaren aurkako epaiak" eman izanak. Hori dela eta, "portaera hori albo batera utzi eta herritarren dirua prozesu hau luzatzeko alferrik gastatzeari utzi" dezan eskatu diote Gobernuari.
"Iruñako eskualdeko euskaldunek hamabost urte daramatzate euren hizkuntzan dagoen irrati zerbitzu batez legalki gozatzeko eskubiderik gabe", salatu dute ordezkariek. "Emititzeko lizentziarik ez izateagatik", Euskalerria irratiak denbora hori guztia "mota guztietako ondorioak pairatzen" daramala azpimarratu dute, ondorio ekonomikoak, besteak beste.
Hizlarien ustez, "hizkuntza bereizketa kasu nabarmena" da, eta ez da haien irratiari gertatutako kasu isolatu bat. Haien aburuz, "EITBren hedabideen kasua ere bistakoa da".
Lizentziak esleitzeko prozesuari dagokionez, "ukapen sistematikoak" jaso dituzte hamabost urtez, eta lizentzia lortzea ekiditeko, "Euskalerria Irratiaren aurkako ekintzak" pairatu dituztela salatu dute. "Lehiaketa irabazten joan ginen, irregulartasunak iritsi ziren arte".
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.