Igeldoren nahia errespetatzeko eskatu du Garitanok
Martin Garitano Gipuzkoako ahaldun nagusiak adierazi du Igeldoren desanexioa herria izateko "baldintza guztiak" betetzen dituelako dekretatu zutela. Gainera, oposizioari paper artean ez ezkutatzeko eta Igeldoko herritarren nahia errespetatzeko eskatu dio.
Batzar Nagusietan hitz egin du gaur Garitanok, eta oposizioaren kritikak jaso ditu. Haien ustez, Igeldoren desanexioa irizpide politikoei jarraiki gauzatu da. Gainera, Aldundiko aholku batzorde juridikoaren aurkako txostena izan arren, banaketaren aldeko erabakia hartu izana leporatu diote.
Erakunde horretako presidente orde Juan Ramon Ciprian ere Batzar Nagusietan izan da, sozialistek eskatuta. Igorritako txosten hari buruz azalpenak eman ditu, eta esan du "ezinezkoa" dela 2010eko foru dekretua, bereizketaren aurkakoa, baliogabetzea.
Ciprianek azaldu duenez, indargabetu daitezkeen dekretu bakarrak bi aldeentzat kaltegarriak direnak dira. Kasu horretan, ordea, edukia "onuragarria" da banaketaren aldeko Itxas Aurre elkartearentzat, "baina ez beste aldearentzat".
"Edukiak bi aurpegi dituenez, ezinezkoa da baliogabetzea", adierazi du Ciprianek; hori dela eta, aholku batzordeak "ez zuen Igeldo Gipuzkoako 89. udalerri bihurtzen zuen dekretuaren edukia aztertu, guztia baldintzatzen duen abiapuntua falta baitzen".
"Egoera kafkiarra"
Igeldoren polemika ez dela "desiragarria" esan dio Garitanok Rafaela Romero bozeramaile sozialistari, eta batzuek "sortu den egoera kafkiarrarekin gozatu" egiten dutela azaldu dio.
Ahaldun nagusiaren aburuz, Igeldo udalerria da: "Legeak eskatzen dituen baldintza guztiak betetzen ditu, eta igeldotarrek hori horrela izateko eskubidea eta nahia dute, hori da gakoa. Gainontzeko guztia trabak jartzea, ukapena aplikatzea, eraiki dena suntsitzea eta demokrazia gutxiestea da, interes politikoek bultzatutako debate faltsuak sortzeko interesagatik".
Romerok "bide arriskutsua" hartu duela adierazi dio Garitanori: "Dekretua bidegabea zela jakinda onartu zuen, hori ezin baita arrazoi politikoengatik indargabetu".
Bozeramaile sozialistak "etsipena" sentitu duela azaldu du, ahaldun nagusi batek "Donostiako Udalarekin balorazio politikoa eta errespetu gutxikoa" egin izanagatik. Gainera, Romeroren aburuz, "ezker abertzaleak puntu politiko bat irabazi nahi izan du", Zubietako erraustegiaren kasuan bezala. Bi ekintza horien ondorioak "gipuzkoar guztiek ordaindu beharko dituzte", azpimarratu du.
EAJ alderdiko Xabier Ezeizabarrenaren ustez, desanexioa eskualdeko ganberaren eta Donostiako Udalaren aurka doan "erabaki politikoa" da, eta lurralde antolaketaren inguruko araudi osoa aurka du.
Albiste gehiago politika
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.
Marlaskaren esanetan, autonomiek ez zuten Estatuaren laguntza zalantzan jarri Feijook gehiago eskatu zuen arte
Luis Santamaria PPko senatariari erantzunez, Barne ministroak larrialdien alorreko eskumenak zeintzuk diren gogoratu du, eta PPko kideei "baloiak kanpora" botatzea leporatu die.
Lehendakariaren ustez, Estatukoa baino LGS "handiagoa" lortzeko moduan gaude, gizarte-eragileekin hitzartuta
Lehendakariaren ustez, adostasunerako "jarrera horretan" jarraitu behar da lanean, "oztopoak kenduz", "eragile sozialen aldetik" erresistentziak daudelako eta "gai horiek beti denbora" daramatela eta "landu egin behar direla" uste dutelako.