Nafarroako Parlamentuak Bilboko manifestazioa gaitzetsi du
Nafarroako Parlamentuak adierazpen instituzionala onartu du alderdi eta sindikatu abertzaleek bake prozesuaren alde asteburuan Bilbon egin duten manifestazioa gaitzesteko. UPNren eta PPNren aldeko botoei eta PSNren abstentzioari esker onartu dute proposamena, Bildu, Aralar-NaBai, I-E eta Geroa Bai kontra agertu diren arren.
PSNk "gehiegikeria"tzat jo du Nafarroako Parlamentuak baimendutako manifestazio bat gaitzestea; horregatik, abstentzioa eman du puntu horretan. Juan Jose Lizarbe bozeramaileak azaldu duenez, hala ere, adierazpena onartzea ahalbidetu dute, ez baitaude ados manifestazioarekin. Bilduk, Aralar-NaBaik, I-Ek eta Geroa Baik, berriz, kritikatu egin dute adierazpena, "burugabekeria" delako, haien ustez, Parlamentuak manifestatzeko eskubidearen kontra egitea.
Gaurko Parlamentuko Mahaian eta Bozeramaileen Batzordean agerian geratu dira alderdien artean dauden desadostasunak manifestazioaren, presoen eta atxiloketen inguruan; izan ere, UPNk, PSNk, eta PPNk aurkeztutako hirurak onartu dituzte, eta Bilduk, Aralar-NaBaik eta Geroa Baik proposatutakoa atzera bota dute.
Zure interesekoa izan daiteke
Lehendakariak adierazi du ezker abertzalea sistemara hurbildu dela, baina euskal gizartearekin oraindik zor etiko izugarria duela
VOXeko Amaia Martinezek lehendakariari galdetu dio ezker erradikalak euskal politikan gero eta protagonismo gehiago izatearen gainean. Pradalesek erantzun dio ezker abertzalea erakunde sistemara etorri dela azkenean, nahiz eta oraindik zor etiko izugarria duen euskal gizartearekin, eta PSErekin duen koalizioa gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.