Erkoreka: 'Proposamenarekin ez dugu ETAren amaiera ordenatua lortu'
Urrian ezker abertzaleari aurkeztutako bake proposamenarekin ETAren “amaiera ordenatua” lortu nahi zutela zehaztu du gaur Josu Erkoreka bozeramaileak.Esperoko emaitza izan ez badu ere, Jaurlaritzak bere horretan jarraituko duela azpimarratu du.
Gaur Erkorekak azaldu duenez, proposamen horrek ez du “aurreikusitako emaitza” izan, “Jaurlaritzak espero zuen ETAren amaiera ordenatua ez baita gertatu”. Gainerako alderdi politikoek proposamenaren berri zutela nabarmendu du bozeramaileak.
“Hale ere, Jaurlaritzak bere horretan jarraituko du, ekimen gehiago martxan jarriko dugu helburu hori lortzeko. Orain arte ez du helburua bete, baina ekimena mahai gainean dago oraindik”, azpimarratu du.
Joseba Permach (Sortu) Jaurlaritzari erantzukizunez jokatzeko eskatu dio, “elkarrekin” bakea bermatu ahal izateko.
Proposamen horren inguruan mintzatu da gaur Borja Semper EAEko PPko bozeramailea. “Atentatuak egiten zituenean ere, Zuzenbide Estatuak ez ziola ETAri ezer eman” gogoratu du Semperrek eta, horrenbestez, “hiltzen uzteagatik ere” ezer ez ematea eskatu du.
Ezker abertzeleari “zentzuzkoak diren hainbat gauza eskatzea” kritikatu du Semperrek, tartean “legez kanpokoa den talde terrorista bati desarmea eskatzea”.
PSE-EEk ez du oraindik Jaurlaritzaren proposamenaren inguruko adierazpenik egin, baina Legebiltzarrean dokumentuari buruzko ekimen bat aurkeztuko duela iragarri du. EH Bilduk ere ez du balorazio publikorik egin.
Rajoyrekin bilera
Iñigo Urkullu lehendakariak Mariano Rajoyri abenduan eskatu zion hitzordua "behin eta berriro" atzeratzea leporatu dio Josu Erkoreka Jaurlaritzako bozeramaileak Espainiako presidenteari. Erkorekak adierazi duenez, hainbat gairi "berehalako erantzuna" eman behar zaie, eta, besteak beste, Kupoaren negoziazioa, Abiadura Handiko Trena edota oraindik transferitu gabe dauden eskumenak aipatu ditu.
Gobernu Bileraren ondorengo agerraldian, Erkorekak esan du Urkulluk ez duela oraindik Rajoyren erantzunik jaso. "Orain arte, ez dugu bilera hori egitea lortu, baina hitzordua egiteko arrazoiek bere horretan jarraitzen dute", gaineratu du.
Erkorekak azpimarratu duenez, bakea eta bizikidetza jorratzeaz gain, bilera horretan beste hainbat gai aztertu beharko dituzte: "Kupoaren kalkulua eta negoziazioa, oraindik transferitu gabe dauden eskumenak, Espainiako Gobernuaren legedia edota Abiadura Handiko Trena, esaterako".
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".