Trebiñuk Arabarekin bat egiteko eskaera Kongresura eramango dute
Espainiako Kongresuan Trebiñu Arabarekin bat egitea eskatzeko lege ekimena onartu du gaur Eusko Legebiltzarrak, EAJren, EH Bilduren eta PSE-EEren aldeko botoekin. PP eta UPyD abstenitu egin dira.
Lege ekimena behin betiko onartu dute gaur Eusko Legebiltzarrean. Bozketa eztabaida hasi aurretik egin dute. Bitxikeria moduan, Trebiñuko zinegotzi ohi batek "koldarra eta gezurtia" esan dio Carmelo Barrio PPko legebiltzarkideari horrek bere hitzaldia bukatu duenean. Ondorioz, Bakartxo Tejeria Legebiltzarreko presidenteak aretotik bota egin du zinegotzi ohia.
Hurrengo pausoa ekimena Madrilen azaltzea izango da, eta horretarako Legebiltzarreko hiru ordezkari joango dira Gorteetara: Xabier Agirre (EAJ), Belen Arrondo (EH Bildu) eta Txarli Prieto (PSE-EE).
Trebiñuk hirugarren aldiz eskatu du administratiboki Gaztela eta Leondik banatu eta Araban sartzea, baina aurrekoetan Gaztela eta Leongo Parlamentuak eskaera horren aurka egin du eta "artxibatu" egin dute. Orain, ekimena Madrilgo Kongresura iritsiko da aurrenekoz, Gaztela eta Leonek jarritako betoaren gainetik.
Hala ere, Kongresuak eskaera bertan behera utz dezakeela aurreratu zuen Jesús Posada presidenteak. Horren hitzetan, PPko diputatuek (gehiengo absolutua dute) Trebiñuren eskaeraren aurka bozkatuko dute.
Ignacio Portilla Trebiñuko alkatearen iritziz, Arabarekin administratiboki bat egiteko eskaera "estatu-mailako gaia" daeta, horrenbestez, Espainiako Gobernuari gaur Eusko Legebiltzarrak onartutako eskaera betetzeko eskatu dio.
Portillak ohar bat irakurri du Legebiltzarrean, osoko bilkurak Arabarekin bat egiteko eskaeraren inguruko lege-ekimena onartu ondoren.
Alkatearen iritziz, gaur hasitako bidea "zilegi eta legezkoa" da, eta Legebiltzarreko eztabaida "errespetu demokratikoaren isla" izan dela gaineratu du.
PPren eta UPyDren jarrera (abstenitu egin dira) zalantzan jarri du alkateak, baina pozik agertu da EAJk, EH Bilduk eta PSE-EEk bere proposamena babestu dutelako.
Bestalde, Soraya Rodriguez PSOEren Kongresuko bozeramaileak esan du Madrilgo Ganberak erantzun "irmoa" emango duela Legebiltzarraren eskaeraren "aurka".
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.