Profila: Cristina Borboikoa, Justiziaren aurka talka egin zuen infanta
Cristina Borboikoa eta Greziakoa Madrilen jaio zen 1965eko ekainaren 13an. Izen osoa hauxe du: Cristina Federica Victoria Antonia de la Santisima Trinidad de Borbon y Grecia. Espainiako infanta izateaz gain, Palmako dukesa ere bada, 1997tik.
Madrilgo Santa Maria del Camino ikastetxean egin zituen bigarren hezkuntzako ikasketak. Zientzia Politikoak ikasten hasi zen 1984an, eta bost urte geroago eskuratu zuen lizentziatura.
New Yorkeko Unibertsitatean Nazioarteko Harremanetarako masterra egin zuen, 1990ean, eta urtebete geroago praktikak egin zituen Unescok Parisen duen egoitzan.
Kirolzalea
Cristina infanta kirolzalea da. 1987. eta 1988. urteetan Espainiako Bela Txapelketan parte hartu zuen, Seulgo Olinpiar Jokoetarako sailkatzeko. Joko horietara joan zen, ordezko moduan, eta inaugurazio ekitaldian berak eraman zuen Espainiako bandera.
1992an Bartzelonara joan zen bizitzera, sei hilerako, Munduko Bela Txapelketa antolatzeko lanetan parte hartzeko. Alabaina, epe hori igarota, bertan geratzea erabaki zuen.
Bizilekua
2009an, Palmako duke-dukesek Bartzelonan bizitzeari utzi zioten, eta Washingtonera joan ziren, lan-arrazoiak tarteko. Iñaki Urdangarin Telefonicaren nazioarteko kontseilaria zen, eta AEBra bidali zuten. Ondorioz, Cristina infantak La Caixa Fundazioan zuen Gizarte arloko zuzendari kargua utzi zuen.
2012ko irailean, Espainiara bueltatu ziren, baina urtebete geroago Genevera (Suitza) joatea erabaki zuten, eta gaur egun bertan bizi dira.
Ezkontza
1997ko apirilaren hasieran zabaldu zen Cristina Iñaki Urdangarin Bartzelonako eskubaloi jokalariarekin ateratzen ari zela. Apirilaren 30ean baieztatu zuen Errege Etxeak berria. 1997ko urriaren 4an ezkondu ziren Bartzelonan. 1.500 gonbidatu baino gehiago izan ziren zeremonian.
Cristina infantak lau seme-alaba ditu, denak Bartzelonan jaiotakoak.
Ustelkeriari buruzko ikerketa
Hainbat zurrumurruren ostean, 2011 bukaeran, Iñaki Urdangarin eta haren zenbait bazkide ustelkeria kasu batean inputatu zituzten, Palma auziari lotuta. 2012ko otsailean, Jose Castro epailearen aurrean deklaratu behar izan zuen.
Aizoon elkartearen jabearen ondokoa eta Noos Institutuan kide izan arren (bi erakundeak zeuden auzian nahasita), Cristina infanta ez inputatzea erabaki zuten, horretarako zantzurik ez zegoela argudiatuta. Estatuko Fiskaltzak ere iritzi bera agertu zuen.
Alabaina, 2013ko apirilean, Noos auziko epaileak jarrera aldatu eta infanta inputatzea erabaki zuen, ikerketaren baitan agertutako arrastoen ondotik.
Maiatzean, baina, Noos auzitik kanpo utzi zuen Palmako Lurralde Auzitegiak, etorkizunean ustezko delitu fiskalengatik edo dirua zuritzeagatik inputatuta izateko aukera behin betiko itxi gabe.
2014ko urtarrilaren 7an, instrukzio-epaileak Cristina infanta berriro inputatzea erabaki zuen, delitu fiskalak egitea eta dirua zuritzea leporatuta, baina senarraren negozioekin loturarik ez zuela deklaratu zuen epailearen aurrean.
Argudio horiek ez zuten epailea konbentzitu, eta, ekainaren 25ean kaleratutako autoan, Felipe VI.a erregearen arreba auzipetzea erabaki du.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.