Londreseko auzitegiak baldintzapeko askatasuna eman dio Troitiñori
Londresko auzitegiak baldintzapean aske utzi du Antton Troitiño ETAko kide ohia, atzo Auzitegi Nazionalaren euroagindua betetzeko atxilotu ostean.
Westminsterreko epaileak Troitiñoren defentsak egindako eskaria onartu du; izan ere, baldintzapeko askatasunean zegoen 2013ko urritik. Dena dela, auzitegira joan beharko du martxoaren 14an.
ETAko kide ohia Pablo Ruz epaileak igorritako agindua aintzat hartuta atxilotu zuten atzo. 2011n ihes egin eta ETAko logistika alorrean sartzea leporatzen dio Ruz epaileak.
Troitiñok 24 urteko espetxealdia bete zuen eta eta 2011ko apirilean aske gelditu zen Auzitegi Gorenaren hutsegite baten ondorioz. Erresuma Batuko poliziak egun gutxira atxilotu bazuen ere, 2013ko urrian baldintzapeko askatasunean utzi zuten, Estrasburgok Parot doktrinaren aurkako epaia eman eta egun gutxira.
Jertse gorri bat jantzita eta hiru zaintzailek babestuta, Troitiñok itzultzaile baten laguntzarekin deklaratu du atzoko audientzia itzultzailerik ez zegoelako bertan behera gelditu ostean.
Bere nortasuna baieztatu ostean Espainiak eskatutako estradizioa ukatu egin du ordu-erdi iraun duen agerraldian.
Ruz epaileak ETAko kide izatea eta 2011an ihes egin zuenean dokumentu faltsuak erabili izana egozten dio Troitiñori. Kontu hauek Espainiako polizia sekretupean ikertzen ari zela jakinarazi dute.
Barne Arazoetako Ministerioak Poliziak batutako datuen ondorioz burutu zen atzoko atxiloketa. Hauek esandakoaren arabera ETAren IHESKO, errefuxiatuen kolektiboa, barneratu zen Troitiño.
Erresuma Batuan lehen aldiz atxilotu zutenean eta Ignacio Lerin ETAko kidearekin partekatzen zuen etxebizitzan ETAk sortutako dokumentazio faltsua aurkitu zioten.
2013ko urritik Erresuma Batuan baldintzapeko askatasunean aurkitzen zen Troitiño, Estrasburgoko Giza Eskubideen Auzitegiak Parot dotrina bertan behera utzi zuenetik hain zuzen ere.
Zure interesekoa izan daiteke
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.