Kongresuak apirilaren 8an eztabaidatuko ditu kontsulta-proposamenak
Diputatuen Kongresuak apirilaren 8an eztabaidatuko ditu Kataluniako Parlamentuak, alderdi nazionalistek eta formazio horietako 22 diputatuk aurkeztutako hiru proposamenak kontsulta egiteko eskumena Generalitateari pasatzeko.
Parlamentuko iturriek azaldu dutenez, gehiengoa duten alderdien artean akordioa dago hiru ekimen horien eztabaida apirileko osoko bilkuran egiteko, apirilaren 8an, hain zuzen ere.
Saio bakarrean, Kataluniako Parlamentutik kontsulta egiteko eskumenak eskatzeko bidalitako ebazpena eztabaidatuko dute, baita erreferenduma babesten duten alderdien bi ekimen ere, aurreneko aukera atzeratuz gero B plan moduan aurkeztutakoa.
Eztabaida apirilaren 8an egin ahal izateko, beste parlamentu autonomiko batzuetatik (Nafarroa eta Valentziakoetatik) bidalitako beste ekimen batzuk atzeratu beharko lirateke. Gorteetara iristen diren ordenaren arabera egin ohi dituzte, eta hilabete hasierako lehenengo osoko bilkuretan soilik.
Kataluniako Ganberatik bidalitako ekimenean, erreferendumak egiteko eskumenak Generalitatearen esku uzteko eskatu diote Kongresuari, Konstituzioko 150.2 artikuluak jasotakoari jarraituz; beste bi proposamenek ere gauza bera eskatzen dute.
Arratsaldeko osoko bilkuraren ostean, Josep Antoni Duran i Lleida Kongresuan CiUko bozeramaileak proposamenen eztabaida bateratua egotea baloratu du, baita apirilaren 8an izatea ere, aurreikusitakoa baino askoz ere lehenago.
Zure interesekoa izan daiteke
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Eskuk
Plataformak gogorazi du gaur 92 urte bete direla autonomia estatutuari buruzko erreferendumetik, eta duela zortzi urte, Getxon, Gure Eskuk herri-galdeketa sustatu zuela.