Patxi Lopez: 'Askok ahaztuko lukete independentzia, prezioa jakitean'
Patxi Lopez PSEren idazkari nagusiaren ustez, independentzia "edozein preziotan" eskatzen dutenek "ez dute benetako prezioaz hitz egiten". Izan ere, bere esanetan, hori jakinez gero jende askok baztertuko luke helburu hori, "eta beldur dira". EFEri emandako elkarrizketa batean, Lopezek esan du ez dela "subiranotasun baztertzaileetarako garaia, Europari subiranotasuna lagatzekoa baizik ". Halaber, adierazi du espero duela EAEko alderdiek estatutu-eremu berria adosteko ahalmena izatea, gizarteak gero baieztatu ahal izan dezan.
Kataluniako eta EAEko independentisten inguruan galdetuta, independentziaren alde edozein preziotan daudenek inoiz ez dutela ordaindu beharreko benetako prezioaz hitz egin nahi izaten kritikatu du PSE-EEren idazkari nagusiak. Ordaindu beharreko prezio hori Europatik kanpo irtetea dela azaldu du, "baina gainera kostu ekonomikoa ere badu zerbitzu publikoei, gizarte-laguntzei eta pentsioei dagokienez, eta Euskadin ezin izango genuke prezio hori ordaindu".
Patxi Lopezek uste du Katalunian arazo bat dagoela, "ez kataluniarrekin, bertako independentistekin baizik. Demokraziak berak esandakoa ere berdin zaiela ematen du. Artur Masek Kongresuak esaten duena axola ez zaiola esaten duenean, ez dabil Madrilen aurka lehian, sistema demokratikoa leherrarazi nahian ari da. Demokrazian, derrigorrez, arauak errespetatu behar dira; eta arauak aldatu nahi izanez gero, ibilbidea dago egiteke", nabarmendu du.
Aurreko agintaldiko lehendakariak esan du bere alderdiak defendatzen duen ereduak "Euskadiko eta Kataluniako berezitasunak" errespetatzen dituela, “erlazioen alde plurala bilatzen duela, zintzotasun instituzionala bermatzen duela eta eskumenak ziurtatzen dituela”. "Eta batez ere” gehitu du, “arlo batean aurreratzen laguntzen du eredu horrek: hau ez da subiranotasun baztertzaileak bilatu eta mugak altxatzeko garaia, kontrakoa egitekoa baizik, batez ere Europari subiranotasuna lagatzekoa. Horrela, guztion politikak zehaztu ahal izango ditugu, zenbait arlotan, eta hori da behar duguna. Ez irla bat bilakatzea, kontinente bat eraikitzea baizik".
Euskal autogobernua
Euskal autogobernuari dagokionez, Lopezek esan du espero duela alderdiek estatutu-eremu berria adosteko gaitasuna izatea, gizarteak gero baieztatu ahal izan dezan. "Nahiz eta desberdin pentsatu, gustatuko litzaidake estatutu-eremu berri bat adostea, Euskadin autogobernua, bizikidetza eta desberdinen arteko ituna zehazteko; eta hori, Gernikako Estatutua bezala, euskal gizarteak baieztatzea".
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.