Frantziak Ozaeta, Suberbiola eta Salaberria zigortu ditu
Ainhoa Ozaetari 20 urteko espetxe-zigorra ezarri dio gaur Frantziako Justiziak, ETAko buruzagia eta estortsio azpiegitura batzuen arduraduna izateagatik. Bestalde, Igor Suberbiolari 16 urteko kartzela-zigorra ezarri dio, ETAren zuzendaritzako kide eta talde politikoko arduraduna izateagatik.
Era berean, Pariseko Auzitegiak Jon Salaberria erruduntzat jo du eta 12 urteko espetxe-zigorra ezarri dio. Talde politikoan, Suberbiolaren konfiantzazko gizona izatea egotzi dio epaimahaiak. Hirurak Javier Lopez Peña Thierry-rekin batera atxilotu zituzten Bordelen, 2008ko maiatzaren 20an.
Jacqueline Audax auzitegiko presidenteak azaldu duenez, hirurek zigorren bi herenak bete beharko dituzte espetxean, kartzelaldia arintzeko neurriak lortu baino lehen. Gainera, zigorrak bete eta gero Frantziatik behin betiko kanporatuko dituztela erantsi du Audaxek.
Audaxen hitzetan, auzitegiak Ozaeta Kuraia (39 urte) erruduntzat jo du. 10 bat delitu leporatzen zizkioten. Erakunde terroristako buruzagia zela frogatutzat jo du epaitegiak. Era berean, iraultza-zerga kobratzeko estortsio sarean ardura izateagatik zigortu dute.
Bestalde, Suberbiola Zumalde Kartxi-k (35 urte) eta Salaberria Sansieneak iraultza-zerga kobratzeko enpresaburuen aurkako ekintzetan parte hartu ez zutela uste du auzitegiak. Zentzu horretan, frogarik ez dagoela erabaki du Pariseko epaitegiak.
Jean-François Ricard fiskalaren esanetan, Kuraia eta Kartxi atxilotu zituztenean ETAren "lau edo bost" buruzagi nagusietako "bi" ziren. Agintaritzan hiru urte zeramatzatela azaldu du.
Ricardek azpimarratu duenez, ETAren "erabaki garrantzitsu guztietan" inplikatuta egon ziren biak. 2007-2008 "fanatismo" epean, ETAk su-etena bertan behera utzi eta atentatuekin eta hilketekin "muturrera jo" zuenean, biak erakundeko buruzagiak zirela nabarmendu du fiskalak.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".