Gipuzkoako alderdiak bat eginda, Jauregiren omenezko ekitaldian
Alderdi guztiek, salbuespenik gabe, (Bildu, EAJ, PSE-EE, PP eta Aralar) bat egin dute Juan Mari Jauregi Gipuzkoako gobernadore ohiaren omenezko ekitaldian, ETAk hil zuela 14 urte bete diren honetan.
Ordezkaritza politikoaren buruan, Martin Garitano ahaldun nagusia bera egon da, baina denek babestu dituzte Jauregiren familiaren kideak, besteak beste, Maixabel Lasa eta Joxepi, Jauregiren arreba.
Ekitaldiaren azken partean, Maixabel Lasak gaur, asteartean, Ibon Etxezarreta ETAko presoak argitaratutako gutuna izan du hizpide. Eskutitzean, Etxezarretak "bidegabe eragindako mina" aitortu du, eta barkamena eskatu; Lasak "bikain" iruditu zaiola esan du.
Horren ildotik, adierazi du Etxezarretarekin izandako elkarrizketan gehien "harritu" zuena "Eusko Jaurlaritzako Terrorismoaren Biktimen Bulegoan genuen jarrera, egoeraren aurrean", izan zela. "Uste dut horrek garai horretan egin zutenaren gainean gogoeta egiten eta pentsatzen lagundu ziela".
Lasaren ustean, erakunde horrek egindako lana "orain egiten ari diren autokritika sustatzen balio izan du, eta hori da gainerakoei eskatuko niena". Horrela, "pertsona horiek gogoeta egiten lagundu izanagatik harro" dagoela esan du.
Ekitaldia Gipuzkoako Batzar Nagusietan ospatu da. Gainera, lore-eskaintza ere egin dute, eta minutu bateko isilunea; azkenean, txalo zaparrada batek itxi du ekitaldi hunkigarria.
Juan Maria Jauregi sozialista, eta Gipuzkoako gobernadorea izandakoa, 2000 urtean hil zuen ETAk, Tolosan, uztailaren 29an.
Albiste gehiago politika
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.
PSOEk bere Kode Etikoa aldatuko du prostituzioa erabiltzen dutenak kanporatzeko
Pedro Sanchez bere alderdiko Berdintasun idazkariekin bildu da erreformari heltzeko. Kode Etiko berriak PSOE abolizionista dela azpimarratuko du, prostituzioa "emakumeen aurkako indarkeriaren adierazpena" baita.
Eusko Jaurlaritzak euskal politika "ez zikintzeko" eskatu du
Maria Ubarretxena bozeramaileak euskal politika "zikintzea" saihesteko deia egin du, eta Euskadin "gauzak beste era batera" egiten direla nabarmendu du.
PSOEk zuzendaritzan aldaketak egitea “logikoa” da, EAJren arabera, baina ohartarazi du ez dela nahikoa
Maitane Ipiñazar EBBko idazkariak espero du Sanchezek “zehaztasun gehiago” emango dituela uztailaren 9an Diputatuen Kongresuan aurreikusita dagoen agerraldian.
Sanchez PSOEko emakumeekin bilduko da, alderdian prostituzioa kontsumitzen dutenen aurkako neurriak adosteko
PSOEko idazkari nagusia neurri feministak prestatzen ari da Santos Cerdanen eta Jose Luis Abalosen eskandaluaren ostean.
Santos Cerdanen enpresako administratzaile Antxon Alonsok uztailaren 22an Senatuan agerraldia egitea eskatu du PPk
Popularren arabera, enpresari gipuzkoarra "ustelkeria sareko gakoetako bat izan da" politikarekin duen loturagatik, "Cerdanen enpresako administratzaileaz gain, Sanchezek aurkeztu zuen zentsura-mozioaren sustatzailea baita".
Rebeca Torro, PSOEko Antolakuntza idazkari berria
Santos Cerdan ordezkatuko du alderdiko hirugarren kargu garrantzitsuenean. Halaber, Sanchezek Antolakuntza idazkariaren hiru ondoko izendatu ditu: bi gizon eta emakume bat. Horrez gain, Montserrat Minguez diputatu kataluniarra izango da PSOEren bozeramaile berria, Esther Peñaren ordez.
PPk eta PSOEk asteburu erabakigarria izango dute 'Cerdan auzia' dela eta
Ostiral honetan, PPk Feijoo lider gisa sendotzeko kongresua abiatu du Madrilen. PSOEren Batzorde Federala, berriz, 'Cerdan auzia' hizpide nagusi den honetan egingo da.
Albiste izango dira: PPren kongresua eta PSOEren batzorde federala, Gasteizko lorezainen greba eta Independence Day
Gaurkoan albiste izango direnen laburpena, bi hitzetan.
'Begoña Gomez auzia'-n Gorenak Bolaños ikertzearen aurka agertu da Fiskaltza
Juan Carlos Peinado epaileak Felix Bolaños Presidentzia, Justizia eta Gorteekiko Harremanetarako ministroa ikertzea eskatu zuen, lekukotza faltsua eta dirua bidegabe erabiltzea egotzita, baina Prieto fiskalak uste du epailearen azalpena ez dagoela behar bezala arrazoituta eta oinarrituta eta Onarpen Aretora bideratu du eskaera.