Konstituzionaleko presidentea errefusatuko du Kataluniako Parlamentuak
Francisco Perez de los Cobos Auzitegi Konstituzionaleko presidentea eta Pedro Jose Gonzalez Trevijano magistratua errefusatzeko idatzia aurkeztea adostu du Kataluniako Parlamentuaren Mahaiak, kontsultaren debekuaren aurka aurkeztutako helegiteak eurek azter ez ditzaten.
Parlamentuko Mahaiak premiazko ez-ohiko bilera egin du gauean.
CiU, ERC, ICV-EUiA eta CUP alderdien arabera, bi epaileen partzialtasun eza zalantzan dago, bata PPko militantea izan zelako eta besteak alderdi horren ideologiarekin bat egiten duelako.
Gauzak horrela, Kataluniako Mahaiari ezohiko bilera egiteko eskatu diote, bi magistratuen aurkako idatzia aurkeztea ahalik eta azkarren onartzeko.
Bi magistratuen "inpartzialtasuna" arriskuan dagoela uste du Parlamentuak, biak PPko kideak izan direlako edo direlako. Alderdi horren ideologiarekin bat datozela dio idatziak, eta PPk Estatutuaren murrizketa aldarrikatu zuela gogorarazi du.
Perez de los Cobos PPko militantea izan zen 2008tik 2011ra. Kataluniako Parlamentuko taldeek gogora ekarri dute hainbat adierazpen publikotan egin izan dituen adierazpenak, besteak beste, 2005eko Konstituzio Egunean esandakoa: "Kataluniako Estatutu honek kultura espainiarra mespretxatzen du eta oreka konstituzionalerako erasoa da".
Gonzalez-Trevijanoren aurka egiteko argudio berdinak erabili dituzte.
Kontsulten kontrolerako batzordea
Bestalde, Artur Mas Generalitateko presidenteak arratsalde honetan sinatu du kontsulten kontrolerako batzordeko zazpi ordezkariak izendatzeko dekretua, Auzitegi Konstituzionalak Kataluniako galdeketa bertan behera utzi zuen arren.
Kontsulten legea garatzeko dekretua sinatu du Masek, nahiz eta Konstituzionalak baliogabe utzi.
Albiste gehiago politika
1978ko sanferminetako dokumentuak desklasifikatzeko eskatu du Kongresuak
EH Bilduk bultzatutako legez besteko proposamenak 1968ko Sekretu Ofizialen Legea aldatzea eskatzen dio Jaurlaritzari, baita gertatutakoa argitzen eta biktimak aintzatesten laguntzea ere.
Martinezek eragile politiko eta sozialen "konpromisoa" eskatu du Osasun Ituna adostasun zabalarekin ixteko
Alberto Martinez Osasun sailburuak osasun itunaren inguruan duen "baikortasuna" berretsi du, eta prozesu horretan parte hartzen duten eragile guztien "konpromisoa" eskatu du, ostiral honetan akordio bat ixteko.
Puigdemonten abokatuak president ohiari Amnistia Legea ezar diezaiotela eskatuko du Auzitegi Nazionalean
Gonzalo Boye babes-errekurtsoa prestatzen ari da, Auzitegi Konstituzionalean aurkezteko. Horrez gainera, kautelazko neurriak ere eskatuko ditu, presidente ohia atxilotzeko agindua indargabetzeko, Kataluniara itzul dadin.
Espainia "herrialde subiranoa" dela erantzun dio Sanchezek Trumpi, eta muga-zerga "bidegabeak" kritikatu ditu
Pedro Sanchezek NATOren goi-bileran berretsi duenez, Hagan, Espainiak ez du BPGaren % 2,1 baino gehiago gastatuko Defentsan. Trumpek Gobernuarekin merkataritza akordio bat zuzenean negoziatzeko mehatxua egin zuen, eta herrialdeari "bikoitza ordainaraziko" diola esan du, egoera "konpentsatzeko".
Auzitegi Konstituzionalak Amnistia Legea babestu du, magistratu aurrerakoien aldeko botoekin
PPren helegiteari erantzuna emateko bozkatu dute, eta ebazpen-testuak dio Espainiako Konstituzioan amnistiak tokia duela, eta Amnistia Legea ez dela "arbitrarioa", ezta "kapritxoa" ere.
Amnistia Legea "ezarriz gero" PSOEri botorik ez emateko mehatxua egin du Felipe Gonzalezek
Espainiako Gobernuko presidente ohiaren ustez, araua "barrabaskeria" izateaz gain, "lotsagarria" da edozein demokratarentzat. Eskuinaren "argumentarioa erostea" leporatu dio Patxi Lopezek Gonzalezi, eta alderdian zer egiten duen planteatzeko eskatu dio.
Albiste izango da: Amnistia Legearen bozketa, NATOren berrarmatzea eta bero-bolada larunbatetik aurrera
Gaurkoan albiste izango direnen laburpena, bi hitzetan.
Martinezek ostiralean Osasun Ituna onartzeko adostasuna lortzea espero du
Bestalde, Radio Euskadiko 'Ganbara' saioan egindako elkarrizketan, Osasun sailburuak iragarri du Mahai Sektorialean lan eskaintza publiko eredu berri bat onartu berri dutela, Medikuen Sindikatuak eta SATSEk babestuta, eta, horri esker, 4.200 lanpostu eskaini izango dituztela urte amaieran.
Belarrak NATOtik ateratzeko eskatu du
Ione Belarra Podemosen idazkari nagusiak uste du Pedro Sanchezek "Azoreetako argazkia" egingo duela asteazken honetan Donald Trump AEBko presidentearekin eta Ursula von der Leyen Europako Batzordearen presidentearekin, NATOk Defentsarako gastua handitzeko egin duen goi-bileran. Maria Jesus Montero Espainiako Ogasun ministroak Gobernuaren aurkako "jarrera kritikoa" aurpegiratu dio.
Liskarra Kongresuan, Monterori gezurti deitu ostean: "PPko diputatuak, jabetzen al zarete zer irudi helarazten diezuen herritarrei?”
Diputatuen Kongresuko Osoko Bilkurak tentsio handiko unea bizi izan du asteazken honetan, Maria Jesus Monterok hitz egin ostean, PPren diputatu batek "gezurti "deitu baitio. Gertakariaren ondorioz, Kongresuko presidenteak saioa eten behar izan du une batez, eta parlamentari popularrei jarrera aldatzeko galdegin die.