Kontrol Batzordearen izendatzea aztertzen dabil Estatuko Abokatutza
Kataluniako Parlamentuak azaroaren 9rako sortutako Kontsulten Kontrolerako Batzordearen (Hauteskunde Batzordearen baliokidea) izendatzea aztertzen dabil Estatuko Abokatutza, Llanos Luna Espainiako Gobernuak Katalunian duen ordezkariak iragarri duenez.
Onda Cero irrati-katean egin dioten elkarrizketa batean azaldu duenez, Abokatutzak txostena idatziko du eta, legez kontrakotzat joz gero, "legezkotasuna berriz ezartzeko eta Konstituzionalaren baliogabetzea betearazteko" hartu beharreko neurriak zeintzuk diren iragarriko du.
Llanos de Lunaren esanetan, Auzitegi Konstituzionalak ezarritako behin-behineko baliogabetzea betetzen ari dela "estuki" zaintzen ari da Espainiako Gobernua. "Baliogabetzea hausten duen edozein neurri zehatz-mehatz aztertuko du Espainiako Gobernuak, eta hori da, hain justu, Estatuko Abokatutza egiten ari dena", azpimarratu du.
Artur Mas Generalitateko presidentea ere ahotan hartu du Espainiako Gobernuaren ordezkariak. "Sua pizten ibiltzea" egotzi dio Llanos Lunak, Auzitegi Konstituzionalaren epaiaren aurkako helegiteetan "pasioa eta erraietako sentimenduak" argudiatu baititu, betiere Espainiako Gobernuaren eledunaren aburuz.
Haren ustez, Masek erabilitako hitzak "ezin dira inoiz erabili, are gutxiago helegite batean", eta, horrenbestez, "arduragabekeria galanta" egin du presidente katalanak. Horren aurrean, "asaldura maila jaisten laguntzea eta lege argudioak erabiltzea" eskatu dio.
Zure interesekoa izan daiteke
Botere Judizialaren Kontseiluak Peinado epaileari espedientea irekitzeko agindu du, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.