Hauteskundeak exijitu ditu Junquerasek: 'Egin dezagun behingoz’
Oriol Junqueras ERCko buruzagia irmo eta hunkituta mintzatu da gaur independentzia aldarrikatzeko hauteskundeak deitzearen beharraz: "Utz diezaiogun hitz egiteari eta egin dezagun behingoz, mesedez", agertu du.
"Denbora galtzea ona ez dela dakien norbaitek duen ezinegonarekin eskatzen dut… Ekintzak behar ditugu, hitzak baino" adierazi du Junquerasek Catalunya Radio irrati katean egindako adierazpenetan.
Masek egindako aukera deitoratu du Junsquerasek; akordio zabala zuen kontsulta bertan behera utzi, eta "aginte demokratikoa eragiten ez duen" beste bategatik ordezkatzea, alegia. ERCren buruzagiaren esanetan, azaroaren 9ko kontsulta alternatiboa "denbora galtzea" da.
Bozetan zerrenda bateratua eratu behar den edo ez galderari ez dio erantzun Junquerasek. Izan ere, haren ustean, "nola" edo "norekin" galderei erantzun baino lehen, "zer" itauna argitu behar da.
"Zer", ERCren aburuz, Kataluniaren independentzia lehenbailehen aldarrikatzea da eta, horren ildoan, "eufemismoak eta metaforak" alde batera uztea eskatu du. "Nekagarria da hau, denok dakigu zer behar duen herri honek, ba hara, egin dezagun behingoz", erantsi du.
CIU, baikor
Francens Homs Kataluniako Presidentetza kontseilari eta Gobernuko bozeramailea, bestalde, baikor agertu da ERCrekin batera hauteskundeei begirako zerrenda bateratua lortzearen kontura. Homsen hitzetan, "litekeena da”.
RNE irrati katean argudiatu duenez, "helburu nagusiarekin bat egiten dugu biok, eta hortaz, egun hauek gorabehera, irtenbide bateratua egongo dela uste dut, litekeena da".
Albiste gehiago politika
Eusko Jaurlaritzak euskal politika "ez zikintzeko" eskatu du
Maria Ubarretxena bozeramaileak euskal politika "zikintzea" saihesteko deia egin du, eta Euskadin "gauzak beste era batera" egiten direla nabarmendu du.
PSOEk zuzendaritzan aldaketak egitea “logikoa” da, EAJren arabera, baina ohartarazi du ez dela nahikoa
Maitane Ipiñazar EBBko idazkariak espero du Sanchezek “zehaztasun gehiago” emango dituela uztailaren 9an Diputatuen Kongresuan aurreikusita dagoen agerraldian.
Sanchez PSOEko emakumeekin bilduko da, alderdian prostituzioa kontsumitzen dutenen aurkako neurriak adosteko
PSOEko idazkari nagusia neurri feministak prestatzen ari da Santos Cerdanen eta Jose Luis Abalosen eskandaluaren ostean.
Santos Cerdanen enpresako administratzaile Antxon Alonsok uztailaren 22an Senatuan agerraldia egitea eskatu du PPk
Popularren arabera, enpresari gipuzkoarra "ustelkeria sareko gakoetako bat izan da" politikarekin duen loturagatik, "Cerdanen enpresako administratzaileaz gain, Sanchezek aurkeztu zuen zentsura-mozioaren sustatzailea baita".
Rebeca Torro, PSOEko Antolakuntza idazkari berria
Santos Cerdan ordezkatuko du alderdiko hirugarren kargu garrantzitsuenean. Halaber, Sanchezek Antolakuntza idazkariaren hiru ondoko izendatu ditu: bi gizon eta emakume bat. Horrez gain, Montserrat Minguez diputatu kataluniarra izango da PSOEren bozeramaile berria, Esther Peñaren ordez.
PPk eta PSOEk asteburu erabakigarria izango dute 'Cerdan auzia' dela eta
Ostiral honetan, PPk Feijoo lider gisa sendotzeko kongresua abiatu du Madrilen. PSOEren Batzorde Federala, berriz, 'Cerdan auzia' hizpide nagusi den honetan egingo da.
Albiste izango dira: PPren kongresua eta PSOEren batzorde federala, Gasteizko lorezainen greba eta Independence Day
Gaurkoan albiste izango direnen laburpena, bi hitzetan.
'Begoña Gomez auzia'-n Gorenak Bolaños ikertzearen aurka agertu da Fiskaltza
Juan Carlos Peinado epaileak Felix Bolaños Presidentzia, Justizia eta Gorteekiko Harremanetarako ministroa ikertzea eskatu zuen, lekukotza faltsua eta dirua bidegabe erabiltzea egotzita, baina Prieto fiskalak uste du epailearen azalpena ez dagoela behar bezala arrazoituta eta oinarrituta eta Onarpen Aretora bideratu du eskaera.
Santos Cerdanek helegitea aurkeztu du ezarri dioten espetxeratzearen aurka
PSOEko Antolakuntza idazkari ohiak apelazio helegitea aurkeztu du Auzitegi Gorenean, bera ustezko ustelkeria sarean nahasteko froga nahikorik ez dagoela argudiatuta.
EH Bilduko Irati Jimenez izango da Nafarroako esleipen publikoak ikertuko dituen batzordearen burua
Pedro Gonzalez (UPN) izango da presidenteordea, eta Idazkaritza, berriz, Blanca Regulezen (Geroa Bai) ardura izango da.