Martxoak 3 Elkarteak Martin Villa atxilotzeko eskatu dio Gobernuari
Gasteizko Martxoak 3 Elkarteak (bost hildakoak eta 100 zauritu baino gehiago ordezkatzen ditu) Rodolfo Martin Villa atxilotzeko eta Argentinako Justiziaren esku jartzeko eskatu dio Mariano Rajoyren Gobernuari.
Andoni Txasko elkartearen bozeramaleak Eferi adierazi dionez, positibotzat jo dute Maria Servinik Interpoli egindako eskaera, 20 pertsona inputatu gisa atxilotzeko, Frankismoaren garaian eta Espainiako Trantsizioan egindako krimenengatik epaitzeko eta, horien artean, Martin Villa dago. Servinik Argentinara eraman eta galdekatu nahi ditu inputatuak.
1976ean, Poliziak bost langile hil zituen manifestazio batean, Martin Villa 1975-1976ean Harreman Sindikalen ministroa izan zen garaian, eta Servinik gertaeraren erantzuletzat du Villa.
Zehatz-mehatz, langileen asanblada egin zuten San Francisco de Asis elizan, martxoaren 3an, Zaramaga auzoan. Poliziak manifestarien kontra tiro egin zuen, desegiteko, eta tiroketan bost langile hil eta 100 pertsona baino gehiago zauritu zituen.
Martxoak 3ko bozeramaleak “oso positibotzat” jo du epaile argentinarraren lana, gertaerak izan zirenetik hainbeste urte igaro ondoren, “ekintza kriminalak egin zituzten zigorgabetasuna hausten” hasi delako.
Epailearen ebazpena gorabehera, Txasko “eszeptiko” azaldu da, “hilketa horien arduradunak” epaitzea urte askotan oztopatu izan dutelako “sistematikoki” Espainian.
“Akusatuak atxilotu ditzatela”
Jon Iñarritu EH Bilduren ordezkari eta Amaiurren diputatuaren ustean, epaile argentinarraren erabakia “positiboa” da, eta Estatuari “akusatuak atxilotu ditzala” eskatu dio.
Bilbon egindako adierazpenetan, Iñarrituk esan du “albiste positiboa” dela erabakia, “Frankismoaren zigorgabetasunarekin amaitzen” delako.
“Estatu honetan Frankismoa babestu izan da eta jarraitzen dute, eta frankistak ere bai, Trantsizioaren iruzurra agerian utziz, iraganarekin egindako haustura, baina ez zen hala izan”, salatu du.
Amnistia Internazionalak kolaborazioa eskatu du
Bestalde, Amnistia Internazionalak ‘’berariaz’’ kolaboratzeko eskatu dio Espainiako Gobernuari, NBEk gomendatu bezala.
Ignacio Jovtis Amnistia Internazionalak Espainian duen ordezkariak azpimarratu duenez, epaia nazioarteko zuzenbidean dago oinarrituta eta, hala, Argentinako Justiziak erabilitako argumentua ‘’egokia’’ dela defendatu du.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.