A9an parte-hartze 'handia' izatea eskatu dute ANCk eta Omniumek
Kataluniako errepublikarantz aurreneko pauso bat emateko azaroaren 9ko prozesuan parte-hartze “handia” izatea eskatu dute Carme Forcadell ANCko eta Muriel Casals Omnium Culturaleko presidenteek.
ANCk eta Omniumek kanpaina amaiera ekitaldia egin dute gaur. “Askatasunak debekatzen, eskubideak ukatzen eta herritarrak mehatxatzen dituen Gobernu bat ez dugu nahi. Kataluniako errepublika bat nahi dugu”, adierazi du Forcadellek.
Azaroaren 9a Kataluniako independentzia lortzeko “atzera bueltarik ez duen puntua” dela azaldu du Casalsek. Hala ere, bi elkarteek nahi zuten autodeterminazio erreferenduma ez dela onartu du.
“Xede izanez gero, balio juridikorik ez duen ekitaldi batek ondorio politikoak izatea lortuko dugu”, gaineratu du Casalsek. Askatasunera hurbiltzeko kataluniarren demokrazia eta oinarrizko eskubideak defendatzeko A9 jendetsu bat lortzea oso garrantzitsua dela azaldu du Omniumeko presidenteak.
Auzitegi Konstituzionalaren aurka egin du Forcadellek, bozketa bi aldiz bertan behera uzteagatik, lehenengo kontsulta eta ondoren parte hartzeko prozesua. “Auzitegiek ez dute gure etorkizuna erabakiko. ‘Bai-bai’, ‘bai-ez’ edo ‘ez’ bozkatuko dugu, baina bozkatuko dugu. Bozkatuko dugu, bozkatzeko eskubidea inork ukatu ezin digulako”, esan du ANCko buruzagiak.
Nahiz eta Exekutibo zentralak “oztopoak” jarri, igandean bozkatuko dutela ziurtatu du Joan Rigol Erabakitzeko Eskubidearen aldeko Itun Nazionaleko koordinatzaileak.
'Herrialde berri bat has dezagun'
'Herrialde berri bat has dezagun' lelopean, harresi bat botaz hasi dute ekitaldia, azaroaren 9ko kontsulta eta Berlingo harresia behera bota zuten eguna (1989) alderatuz; izan ere, biak data berean gertatu ziren edo egingo dira.
Bestalde, Bartzelonako bizilagunek eltze-joaldia egin dute laugarren egunez jarraian, Konstituzionalak hartutako erabakiaren aurka protesta egiteko.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.