A9ari loturiko salaketak ikertzea eskatu du Bartzelonako fiskalburuak
Azaroaren 9ko parte-hartze prozesuari lotuta artxibatutako salaketa guztiak berriz irekitzeko eskatu dute Bartzelonako fiskalek, Estatuko Fiskaltzaren babesarekin.
Bartzelonako Probintzia Fiskaltzako ordezkarien iritziz, delitu zantzuak daude azaroaren 9ko parte-hartze prozesuan, eta, ondorioz, Bartzelonan artxibatutako salaketak irekitzea eta epaileak inhibitu ziren kasuak Kataluniako Auzitegi Nagusira eramatea eskatuko dute.
Ana Magaldi Bartzelonako fiskalburuak agerraldi laburra egin du gaur kazetarien aurrean, eta Bartzelonako probintzia fiskalen eginbeharra azaroaren 9ari loturiko salaketak tramitera eramatea izango dela esan du. Dena den, iturri judizialen arabera, artxibatutako salaketak irekitzea ere eskatuko dute.
Magaldiren esanetan, Bartzelonako probintzia fiskalen jokabidea txosten batean oinarrituta dago, "jokabide bateratuaren printzipioarekin bat dator" eta Kataluniako Fiskaltza Nagusiaren eta Estatuko Fiskaltza Nagusiaren onarpena jaso zuen.
Ortegak 'soseguz' eta 'harrotasunez' egingo dio aurre kereilari
Joana Ortega Generalitateko presidenteordeak "soseguz" eta "harrotasunez" egingo dio aurre azaroaren 9ko parte-hartze prozesuan egindako lanagatik Fiskaltzak bere aurka jarritako kereilari. Hala ere, sentimendu "gazi-gozoa" duela aitortu du, Estatuak politikatik arazo politikoei aurre egiteko nahikoa "heldutasun" ez duela egiaztatu ondoren.
Ortegak (Unió) gosari informatibo batean parte hartu du, Kataluniako hainbat alkaterekin batera, eta Fiskaltzak Artur Mas Generalitateko presidentearen, Irene Rigau Hezkuntza kontseilariaren eta bere kontra jotzea hartutako erabakia izan du hizpide. Gosari informatiboan parte hartu duten alkateek babesa eskaini diote Ortegari, eta horietako batzuek bere gain hartu dute azaroaren 9ko parte-hartze prozesuaren ardura.
"Erabateko lasaitasuna" sentitzen duela adierazi du, eta kereilari "lasaitasunez" egingo diola aurre. Aldi berean, Kataluniaz "harro" dagoela azaldu du, bereziki, gizartearen mobilizazioagatik eta azaroaren 9ko parte-hartze prozesua antolatzea ahalbideratu zuten boluntarioen, Udalen eta Kataluniako bestelako erakundeen lanagatik.
"Baina portaera baketsu eta demokratiko baten ondotik eta Kataluniako herriak erantzun eredugarri bat eman ostean, Estatuaren erantzuna kereila kriminal bat izan da", deitoratu du.
Ildo horretan, "politikaren judizializazioa" tarteko, Ortegak sentimendu "gazi-gozoa" duela azpimarratu du, bere ustez, Estatuak ez duelako "nahikoa heldutasun politiko" arazo politikoei konponbide politikoak emateko.
Albiste gehiago politika
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".