Masen kontrako kereila aurkeztu du Fiskaltzak, lau delitu egotzita
Azaroaren 9an Katalunian izan zen prozesu parte-hartzailearen harira, Artur Mas Kataluniako presidentearen eta bi kontseilariren aurkako kereila aurkeztu du Estatuko Fiskaltza Nagusiak.
Lau delitu egotzi dizkie Mas presidenteari, Joana Ortega presidenteordeari eta Irene Rigau Hezkuntza kontseilariari: desobeditzea, prebarikatzea, diru publikoa bidegabe erabiltzea eta funtzio publikoak usurpatzea.
Asteazkenean, Aretoko Fiskalen Batzordeak Eduardo Torres-Dulce Estatuko fiskal nagusiak Artur Mas Generalitateko presidentearen kontra jotzeko egindako proposamena babestu zuen.
Aurretik, Estatuko fiskal nagusiak emandako agindua beteko zuela iragarri zuen Kataluniako Auzitegi Nagusiaren Fiskaltzak, Kataluniako fiskalak kereila aurkeztearen aurka agertu baziren ere.
Gaur aurkeztutako idatzian, ministerio publikoak jarrera "arbitrarioarekin" jokatu izana leporatu die auzipetuei, "Konstituzioaren interpretatzaile gorenak emandako ebazpen judiziala betetzeari argi eta garbi" uko egiteagatik.
Ministerioak gogora ekarri duenez, A9ko kontsulta Generalitateak "antolatu, sustatu eta finantzatu" zuen, Konstituzionalak "zalantzarako tarterik" uzten ez zuen arren.
Gainera, A9ko galdeketa "Konstituzionalak bertan behera utzi zuen erreferendum izaerako kontsultaren parekoa" izan zela uste du, Masen Gobernuak "hauteskunde prozesuetan ohikoak diren hautestontziak, mahaiak eta txartelak" jarri zituelako.
Era berean, Fiskaltzak gogorarazi du Generalitateak "gastu publikoak" egin dituela "delituak egiteko".
Erreakzioak
Jordi Turull CiUren bozeramaileak esan du kereilak indartu egin behar duela subiranotasunaren bidea. "Zerbait lortzen badu, prozesua indartzea izango da", eta orain arte subiranotasunaren bidean inplikatu ez diren pertsonak inplikatzea, adierazi du Kataluniako Parlamentuko korridorean.
ERCk eta CUPek, erriz, oso gogor kritikatu dute kereila. ERCrentzat oinarrizko eskubideen kontrako "erasoa" da, eta CUPentzat Estatuaren "ahultasunaren froga" besterik ez da.
Maurici Lucena PSCren bozeramaileak uste du Masek eta bere aholkulariek "egunak" daramatzatela kereila "ospatzen" elektoralki "mesede" egin diezaiokeelako, baina "atsekabea" agertu du neurriak elkarrizketa oztopatuko duelako.
PPCk eta Ciutadansek Zuzenbidezko Estatu baten "normaltasun"aren barruan kokatu dute kereila, herritar guztiek bete behar dutelako legea, eta argudio politikoak ez direlako "aitzakia" arauak "urratzeko".
Carlos Martinez Gorriaran UPyDren Kongresuko bozeramailearentzat ere "normala" da Mas "pozez zoratzen" egotea A9-aren ondoren, "legea urratzea doan" atera zitzaiolako, eta inkestetan "etekina" ateratzen ari delako.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.