Mario Fernandez eta Mikel Cabieces inputatzea eskatu du fiskalak
Mario Fernandez Kutxabankeko presidente ohia, Mikel Cabieces Espainiako Gobernuaren EAEko ordezkari ohia eta Rafael Alcorta abokatu-langelako bazkidea inputatzea eskatu du Carmen Adan Bizkaiko fiskalburuak, Fiskaltzako iturrien arabera.
Ustezko sozietate delitu bat inputatu nahi dizkie fiskalak hirurei, iturri judizialek EFE albiste-agentziari azaldu diotenez. Zigor Kodearen arabera, delitua urteko kontuak edo ekitaldi juridiko zein ekonomikoa islatu behar duten beste agiri batzuk faltsutu dituzten enpresa bateko administratzaileek egingo lukete, sozietateari, bazkideren bati edo hirugarren bati kalte ekonomikoa egiteko.
Sei hilabete edo lau urteko espetxe-zigorra eskatu dezakete sozietate delituagatik.
Bizkaiko fiskalburuak Bilboko epaitegiei helarazi die Kutxabankeko ustezko irregulartasunen inguruko txostena. Mario Fernandez Kutxabanken buru zenean Mikel Cabieces Espainiako Gobernuaren ordezkariari emandako diruaren inguruko ikerketa da abiatutakoa.
Fiskalak deklarazioa hartu zien aurreko astean Fernandezi eta Cabiecesi, eta baita Fernando Lopez de Eguilaz Kutxabanken Giza Baliabideen arduradunari ere.
Fiskaltzako iturriek jakitera eman dutenez, ikerketaren izapideak auziaren artxiboarekin amai zitezkeen, baina fiskalak txostena idatzi eta Bilboko auzitegiari eta bi aldeei helarazi die. Hemendik aurrera, epaitegi batek hartu beharko du bere gain auziaren instrukzioa.
Mikel Cabieces Espainiako Gobernuaren ordezkari ohia EAEn. Artxiboko irudia: EFE
Fiskaltzaren aurrean deklaratu ostean, Mario Fernandez Kutxabanken presidente ohiak esan zuen "PPren buruzagi batek" Mikel Cabiecesi "irtenbide profesionala" eman behar zitzaiola eskatu ziola, ETAren kontrako borrokarekin lotutako beste pertsona batzuekin egiten zen moduan, eta orduan, Fernandezek kontratu bat sinatu zuen abokatu-langela batekin.
Fernandezek bere jardueraren zilegitasuna aldarrikatu du, eta Cabiecesekin lotutako abokatu langelari emandako 240.000 euroak itzuli zituela eta Kutxabanki kalte ekonomikorik ez diola utzi azpimarratu zuen.
Erkorekarentzat deklarazioak "sendoak" izan ziren
Josu Erkoreka Eusko Jaurlaritzaren bozeramaileak esan du Kutxabanken presidente ohiaren eta Espainiako Gobernuko ordezkari ohiaren deklarazioak "argiak, gardenak, sendoak eta ulerterrazak" izan zirela. Hala ere, ez du "espekulatu" nahi izan Ministerio Publikoaren esku dagoen kontu bat izanda.
Jaurlaritzaren Gobernu Kontseiluaren ostean kazetarien galderei erantzunez adierazi duenez, "testuinguru honetan, Jaurlaritzak uste du zuhurrena itxarotea dela, Fiskaltzak bere ondorioak atera eta zerbait ebatzi arte, eta horren arabera, etorkizunean erabakiak etorriko dira".
Ikerketa batzordea
Bestalde, EH Bilduk ikerketa batzorde bat sortzea eskatu zuen eta sozialistek babesa eman ala ez ?dagokionean? erabakiko dutela esan du Jose Antonio Pastor PSE-EEko bozeramaileak.
EH Bilduk legez besteko proposamena aurkeztu zuen eta Ganberako Mahaiak gaur tramitera onartu du. Koalizio abertzaleak batzordea nola planteatu nahi duen kritikatu du Pastorrek Eusko Legebiltzarrean.
Horrela, Cabiecesen eta BBKren arteko ustezko lotura euskal aurrezki-kutxen bat-egite prozesuarekin lotzea ?zehatza ez? dela uste du buruzagi sozialistak.
Akusazio partikularra
EH Bildu Kutxabanken auzian akusazio gisa agertzeko aukera aztertzen ari dela adierazi du Hasier Arraiz koalizio abertzalearen buruzagiak. Fiskaltzak auzia epaitegien esku uzteak ?egoera oso larria? dela demostratzen duela erantsi du Arraizek.
Fiskalaren txostena epaitegiaren esku geratzea ?kezkagarria? dela azpimarratu du Arraizek. EH Bilduko agintariaren ahotan, Eusko Legebiltzarrean ikerketa batzorde bat martxan jartzea ?sekula baino beharrezkoagoa? da.
Arraizek prentsaurrekoa eman du Donostian. Entitatearen kudeaketan ?argitasuna eta gardentasuna barneratzeko unea? dela adierazi du buruzagi abertzaleak. Zentzu horretan, EH Bilduk ?kontrol publiko eta soziala? eskatzen jarraitzen duela aldarrikatu du Arraizek, orain arte ?eraikitako iluntasun eremuei? aurre egiteko.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseiluak, Poliziari buruz esandakoagatik
Begoña Gomez auzipetzeko kaleratutako autoan, epaileak dio Poliziak ihes egiteko laguntza eman diezaiokela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.