Gorenak Chaves eta Griñan inputatu egin ditu LETen auzian
LETen Auzia ikertzen ari den Auzitegi Goreneko instrukzio epaileak bost forudun inputatu gisa deklaratzera deitu ditu, tartean Manuel Chaves eta Jose Antonio Griñan Andaluziako Juntako presidente ohiak, apirilaren 7tik 21era bitartean.
Alberto Jorge Barreiro epaileak zitazioen berri eman du gaur (borondatezkoak dira, erregu-gutuna eskatzen ote den erabakitzeko): apirilaren 7an, Jose Antonio Viera; apirilaren 9an, Jose Antonio Griñan; apirilaren 14an, Manuel Chaves; apirilaren 16an, Gaspar Zarrias; eta apirilaren 21ean, Mar Moreno.
Andaluziako hauteskundeak martxoaren 22ra aurreratu dituztenez, instrukzio epaileak zitazioak ere atzeratu ditu, hasieran batean, otsailean egitekoak baitziren.
Bestalde, Goreneko iturrien arabera, forupeko bost pertsona horiek inputatu dituzte, lekuko gisa egiteak ez lukeelako logikarik izango eta boluntarioki aurkeztu direlako.
Forudunek zalantzak argitu nahi dituzte eta, bide batez, erregu-gutuna Parlamentura bilatzea ekidin, haien kontrako auzirik abiarazi ez dezaten.
Forudunak dira diputatuen akta dutelako, Chaves, Griñan (presidente ohiak), Viera eta Zarriasen (kontseilari ohiak) kasuan eta, Mar Morenori dagokionez, senataria delako.
Epailearen ebazpenak, halaber, Estatuko Kontu-Hartzailetza Orokorreko adituei eta Andaluziako Juntari informazioa eskatzea jaso du, ikertutako diru-laguntzen eta 2000-2012 urteetako aurrekontuen inguruan, hain zuzen.
Hala, Kontu-Hartzailetzako adituei txostenean sakontzeko eskatu die, Griñanen defentsak aurkeztutako agiri batean esandakoa alderatzeko.
Kontseilariordeen Batzordeko saioen inguruan ere informazioa eskatu die aditu judizialei. Izan ere, Antonio Fernandez Garcia Andaluziako Gobernuko Enplegu kontseilariorde eta inputatuak “sasi-saio” deitzen zituen.
Neurriak hartzea baztertu du PSOEk
Inputazioen berri izan eta berehala, lasaitasunerako deia egin du Antonio Hernandok Talde Sozialistak Kongresuan duen bozeramaileak. Agertu duenez, sozialistak "ez dira ezeren beldur" eta apirileko agerraldian inputatuek “azalpen guztiak” eman ahalko dizkiote epaileari. Neurriak hartzekotan, ahozko epaiketa zabaltzen denean hartuko dituzte, ez orain, Hernandok zehaztu duenez.
Hernandok alderdiaren Kode Etikoa aipatu du Griñan eta Chavesen kontrako neurriak ez hartzearen erabakia argudiatzeko.
Ahozko epaiketa abiatuko balitz, inputatuek euren eserlekuak utziko beharko lituzkete baina, Hernandoren hitzetan, “ez da halakorik gertatuko, inondik inora”, erantsi du.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.