Biktimen Memorialeko ekitaldia protesta artean egin dute Gasteizen
Mariano Rajoy Espainiako Gobernuko presidenteak 1976ko martxoaren 3ko biktimak “ahaztu” eta Biktimen Memorialetik “at” utzi dituela salatu du gaur Frankismoko Krimenen kontrako Argentinako Kereilaren aldeko Plataformak. Poliziak bost langile hil zituen Gasteizen, protesta batean.
Rajoyk Terrorismoaren Biktimen Memoriala proiektua aurkeztu du gaur, Gasteizen. Zentroa Arabako hiriburuan kokatuko da. Protesta egiteko elkarretaratze isila egin du Plataformak.
EAJk eta EH Bilduk egin bezala, Memorialean 1976ko martxoaren 3ko biktimek lekurik ez izatea salatu du Plataformak. Gertakarietan bost langile hil eta beste asko zauritu zituen Poliziak.
Diskriminazioa eta zigorgabetasuna
“Indarkeriaren jatorriaren arabera biktimak baztertzea” leporatu dio plataformak Gobernu zentralari.
200 bat lagunek elkarretaratzean parte hartu dute. NBEko gomendioak aplikatzeko eskatu dio Andoni Txasko Martxoak 3 Biktimen Elkarteko bozeramaileak Espainiako Exekutiboari. Biktima guztiek egia ezagutzeko eskubidea dutela adierazi du Txaskok. “Gizateriaren aurkako krimenen” arduradunek duten “zigorgabetasunarekin bukatzeko” eskatu dio Txaskok Gobernuari.
EH Bilduko eta Podemoseko kideek elkarretaratze isilari babesa eman diote. “Biktima bezala aintzat ez hartzea baino umiliazio eta diskriminazio handiagorik ez dago”, kritikatu du Unai Urruzuno koalizio abertzaleko bozeramaileak.
Era berean, Estatuaren biktimen erantzukizunaz askatzeko Espainiako Gobernua memorial “partziala” erabiltzen ari dela salatu du Urruzunok.
EH Bilduren hitzetan, PPren Gobernua “Estatuko aparatuen indarkeriak eragindako ehunka biktimen errealitatea mespretxatzen ari da”.
Zure interesekoa izan daiteke
Lurpetik atera dituzte beste bi borrokalariren gorpuzkiak Saibin (Urkiola)
Igande honetako lan berrietan, beste bi gudarien gorpuzkiak lurpetik atera dituzte Saibin (Urkiola). Horiekin, dagoeneko 5 pertsonaren gorpuzkiak aurkitu dira 2023tik.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.