EAJko bost diputatuk eta PSEko hiruk osatuko dute Olanoren gobernua
Markel Olano Gipuzkoako ahaldun nagusi berriak EAJ eta PSE-EEren arteko koalizio gobernua aurkeztu du gaur. Foru Gobernu berrian EAJko bost diputatu eta PSE-EEko beste hiru izango dira.
Hala, Denis Itxaso PSE-EEren Gipuzkoako idazkari nagusia Kultura, Turismo, Gaztedia eta Kirol diputatu izango da. Zientzia politikoetan eta Administrazioan lizentziatua, masterra du Enpresen Kudeaketan eta Zuzendaritzan. Gipuzkoako batzarkide da eta San Markos mankomunitateko presidente. Gainera, Donostiako Udaleko zinegotzi izan da 2003tik 2015era.
Jose Ignacio Asensio Tolosako zinegotzi ohia Ingurugiro eta Lan Hidraulikoetako diputatu izango da. Iñaki Arriolaren taldeko kide izan zen PSE-EEren Gipuzkoako idazkari nagusia Patxi Lopez lehendakariaren garraio sailburu izan zenean. Euskotrenen zuzendari izan zen hain zuzen ere. Zaragozako Unibertsitateko irakasle izan zen, eta Zientzia Ekonomikoetan eta Enpresan lizentziaduna, eta masterra du enpresen eta finantza publikoen kudeaketan.
Marisol Garmendia Donostiako zinegotzia Mugikortasun eta Lurralde Antolaketa diputatua izango da. Odon Elorza alkatearen garaian sartu zen Donostiako Udalean, eta kabineteburu izan zen. 2005ean presidentzia ordezkari izendatu zuten. Bi legegintzalditan egon da PSE-EEren zinegotzi gisa hainbat ardura bere gain hartuz. Donostia kulturaren hiriburu izateko hautagaitzaren zinegotzi izan zen, eta bere zeregina hautagaitza sustatzea izan zen.
Javier Larrañaga Garmendia Ogasun eta Finantza diputatu izango da. Informatikan lizentziatu zen Deustuko unibertsitatean, eta Kutxaren masterra du Finantza Erakundeen kudeaketan eta Zuzendaritzan. 2012tik Kutxabankeko langile da, Gipuzkoako Enpresen Banka zuzendaria.
Imanol Lasa Zeberio Gobernantza eta Gizartearekiko Komunikazio diputatu izango da. Deustuko Unibertsitatean Zientzia Politikoetan eta Soziologian lizentziatua, kargudun publiko izan da hainbatetan, azkena Zarauzko Turismo zinegotzi gisa.
Maite Peña, Gizarte Politiketako diputatu berria, zuzenbidean da lizentziatua, EHUn, 1999tik. 2000. urtean kolegiatua, gaur egun arte jardun du lan horretan. 2003tik EAJren taldeko bozeramaile da Errenteriako Udalean.
Ainhoa Aizpuru Murua izango da Ekonomia Sustapen, Nekazaritza eta Lurralde Orekako diputatua. Gabiriako alkate izan zen 2007-2011 legegintzaldian, eta enpresa ikasketak egin zituen Deustuko unibertsitatean.
Aintzane Oiarbide Azpiegitura diputatu izango da. Filosofian eta Euskal Filologian lizentziatua, hainbat ardura izan ditu alderdian eta eginkizun publikoetan, eta azken legegintzaldian jeltzaleen bozeramaile izan da Bergarako Udalean.
Eman beharreko pausoak
Foru Aldundiko prentsa aretoan aurkeztu dute Gobernu berriaren osaketa Markel Olano ahaldun nagusiak eta Denis Itxaso ahaldun nagusiordeak. Diputatuak ostegunean jabetuko dira karguez eta ostiralean hasiko dira hurrengo legealdiko kudeaketa plana lantzen.
Aurkezpenean Joseba Egibar GBBko presidentea eta Iñaki Arriola Gipuzkoako PSE-EEko idazkari nagusia izan dira, besteak beste.
Markel Olanok azpimarratu duenez, EAJren eta PSE-EEren artean ?agerikoak? diren ezberdintasunak daude, baina helburu ?komun? batek elkarrekin gobernatzera eraman ditu. ?Gipuzkoa indartsu, solidario eta kementsu? baten alde lan egingo dute jeltzaleek eta sozialistek Gipuzkoan.
Akordioan jeltzaleen eta sozialisten ?borondate eta egitasmoak? islatzen direla azaldu du Denis Itxaso sozialistak. ?Denentzat? gobernatuko dutela agindu du, azken legealdiko ?ataskotik? ateratzeko lan eginez.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.