Olano eta Goia lekuko gisa deklaratzera deitu dituzte, Bidegi auzian
Bilduren Gobernuak Bidegi auziaren inguruan jarritako bigarren salaketa tramitera onartu du gaur Azpeitiko Instrukzio Epaitegiak. Markel Olano ahaldun nagusia eta Eneko Goia Donostiako alkatea lekuko gisa deklaratzera deitu ditu epaitegi horrek. Olanok erantzun du dagoeneko. Epailearen galderei "gustura" erantzungo die ahaldun nagusiak. "Behar beste azalpen" emango dituela gaineratu du Olanok.
AP-1eko Arlaban mendateko tuneleko obren ordainketetan irregulartasunak izan zirela salatu zuen Bilduren Gobernuak. Epaitegiak onartu egin du Foru Aldundiak jarri zuen salaketa, eta gaur bertan igorri du autoa.
Bost lagun deitu ditu inputatu gisa deklaratzera, Agustin Zugasti 2011n Bidegiko zuzendari teknikoa zena tartean. Mirari Azurmendi Bidegiko arduradun teknikoa eta Silvia Armenteros administratzailea ere deklaratzera deitu ditu epaileak.
Horiez gain, Arlaban aldi baterako enpresa elkarteko bi kide ere inputatu ditu: Jose Manuel Vacas lanen arduraduna eta Juan Francisco Gardia Euroestudios Ingeniaritza enpresako arduraduna.
Lekuko gisa deklaratzera deitu dituzten pertsonen artean, urriaren 26an deklaratu beharko dute Olanok eta Goiak. Horiekin batera, Felix Urkola Lazkaoko alkate berria, Luis Mari Apraiz Bide Azpiegituretako zuzendari ohia eta Miguel Angel de Landaluce Arabako Aldundiko Herri Lan diputatu ohia ere deitu ditu.
Gipuzkoako aurreko gobernuak maiatzaren 6an iragarri zuen Zugasti, Azurmendi, Garcia, Armenteros eta Vacas inputatzea eskatuko zuela. Horrez gain, Olano eta Goia lekuko gisa deklaratzera deitzeko eskatu zion epaileari, AP-1 autobideko lanetan ustez ondasun publikoak bidegabe erabiltzea egotzita.
Bidegi auziko bigarren salaketa izan zen, aurretik, 2014ko azaroan, beste bat jarri baitzuen.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.