Barcenasek Fraga, Aznar eta Rajoy nahasi ditu PPren B kutxan
Luis Barcenas PPko diruzain ohiaren arabera, 1982tik Alderdi Popularraren buruzagitzan egon direnek bazekiten alderdian ezkutuko finantzazio sistema bat, B kutxa, zegoela. Barcenas auziaren ahozko saiorako defentsa idazkian hainbatetan esandakoa berretsi du diruzain ohiak, baina harago ere joan da: Manuel Fraga, Jose Maria Aznar eta Mariano Rajoy Espainiako presidenteak PPren B kutxan nahasi ditu.
Horren abokatuek aurkeztu duten idazkiaren arabera, PPk 1982tik zuen ezkutuko finantzazio sistema, eta zuzendaritzako eta kudeaketaren arduradunek "ondo baino hobeto zekiten hori". B kutxa "oso ondo instituzionalizatuta zegoen, eta, antolaketa piramidal hierarkiko orotan moduan, irizpideak goitik behera ematen ziren". Barcenas "kopuruak idaztera mugatzen zen", abokatuen hitzetan.
Jose de la Mata epaileak, Pablo Ruz epaileari lekukoa hartu dionak, ahozko epaiketa zabaltzeko agindua eman zuen martxoan. Barcenas eta beste bost inputatu daude auzian. PP erantzule zibil subsidiariotzat jo du epaileak.
Defentsa idazkiak jasotzen duenez, Alvaro Lapuerta kudeatzaileak jakinarazten zizkion Barcenasi diru sarrera eta ordainketen ingurukoak, eta diruzainak bere paper famatuetan apuntatu besterik ez zuen egiten. "Zuzendaritzako eta kudeaketaren arduradunek lortzen zituzten dohaintzak, eta eurek erabakitzen zuten zertan gastatu", aipatzen da.
"Alderdi Popularraren -ezkutuko- kudeaketa ekonomikoa Alderdi Popularreko zuzendaritzak gidatu zuen beti, eta hori agerian geratu da buruzagiek egindako adierazpenenekin", irakur daiteke idazkian.
Barcenasen esanetan, sistema hau 1982an ezarri zuten, Manuel Fraga presidente zela, eta Antonio Hernandez Mancha, Jose Maria Aznar eta Mariano Rajoy buruzagien garaietan ere indarrean izan da.
"Jasotako dirutzen eta dohaintzak egiten zituzten lagunen izen-abizenen berri zuten alderdiko idazkari nagusiek. Luis Barcenas diruzain izan zen denbora tarte urri horretan ere, 2008 ekainetik 2009ra, berdin jardun zuen Rajoy eta Cospedali diru sarrera eta gastuen berri emanez", azaldu dute horren abokatuek.
rren abokatuek.Albiste gehiago politika
Abalosek eta Koldok Gorenean deklaratuko dute gaur, ustez obra publikoetan eskupekoak kobratzeagatik
Auzitegi Goreneko epaileak Jose Luis Abalos ministro ohia eta Koldo Garcia aholkulari ohia galdekatu ditu Garraio ministro izan zen garaian obra publikoaren ustezko esleipen irregularren auzian. Ikerketak funtzionario-eroskeria, antolakuntza kriminala eta influentzia-trafikoa delituak izan daitezkeela dio, eta kautelazko neurri berriak ekar litzakeela.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.