Fiskalak 5 urteko kartzela-zigorra eskatu du Barcenasentzat
Fiskalak bost urteko espetxe-zigorra eskatu du Luis Barcenas eta Alvaro Lapuerta PPren diruzain ohien kontra, bidegabeko bereganatzea eta agiriak faltsutzea egotzita; Cristobal Paez zuzendari ohiarentzat, aldiz, 18 hilabeteko zigorra.
Gainera, PP alderdiaren kontrako delituak artxibatzea eskatu du, ez dutelako "behar bezala" justifikatu delitua egin duenik, Barcenasen agirietan agertzen ziren enpresaburuek egindako dohainak direla eta.
Horren ildotik, adierazi du dohainak Sozietateen Zergak kontrolatuta daude eta "ustez PPk 2008ean egindako iruzurra 25.630,03 eurokoa litzateke", Zerga Agentziak dioen bezala PPren aldeko kasurik onenean. Beste kalkulu baten arabera, iruzurra 220.167 eurokoa litzateke.
Ustelkeriaren kontrako Fiskaltzak, halaber, azpimarratu egin du Barcenas eta Lapuerta PPren Altxorraren buru izan ziren garaian "dohainak jaso zituzten egin ezin zutenengandik, garai horretan indarrean zegoen legediaren arabera".
Era berean, idazkian agertzen denez, diru-sarreren zati bat bakarrik "dohain anonimoengandik jaso zuten; kasu batean izena adierazita, baina beti ere finantzazio legeak ezartzen dituen mugak gaindituta".
Aurkeztutako idazkian, fiskalak 3 urte eta 10 hilabete eskatu ditu Gonzalo Urquijo eta Belen Garcia Unifica enpresako jabeentzat, horrek egin baitzituen berrikuntza lanak PPren Genovako egoitzan.
Hala, Fiskaltzak urtebete eta zazpi hilabeteko espetxe-zigorra eskatu du Cristobal Paez PPren gerente ohiarentzat. Gainera, Laura Montero arkitektura enpresako langilearen aurkako akusazioa kendu du, delituak preskribitu egin duelako.
Horren haritik, fiskalak eskatu du bost akusatuek 194.503,44 euro ordain diezaioten Ogasun Publikoari, 2007ko Sozietateen Zerga dela eta egindako ordainketa batengatik. Gainera, bost akusatuei isunak ezartzea eskatu du, 102.500 eta 450.000 euro artekoak, hain zuzen.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.