ETAren zuzendaritza ikertuko dute, gizateriaren aurkako delituengatik
Juan Pablo Gonzalez Auzitegi Nazionaleko epaileak ikerketa abiatu du ETAko zuzendaritzaren aurka, gizateriaren aurkako krimenak egitea egotzita. Erabaki honek talde armatuko hainbat buru berriz epaitzea ekar lezake.
Hori horrela, epaileak partzialki onartu du hainbat elkartek (tartean Dignidad y Justicia eta Luis Portero fundazioa) jarritako salaketa.
Autoan, Gonzalezek ETAko buruzagiak identifikatzea eskatu die Espainiako Poliziari eta Guardia Zibilari. Hain zuzen ere, 2004ko urritik zuzendaritzan izan direnak zehaztea nahi du, une horretan sartu baitzuten Espainiako Zigor Kodean gizateriaren aurkako krimena.
Nolanahi ere, epaileak baztertu egin du genozidioa egoztea. Izan ere, delitu mota horren arabera, hilketak egiteko aitzakiak "nazionalitatea, etnia, arraza edo erlijioa" izan behar dira. Kasu honetan, baina, "biktimak eta hiltzaileak, biak ala biak, espainiarrak dira", gaineratu du Auzitegi Nazionalak.
Halaber, ETAren jazarpena "politikoa eta ideologikoa" izan zela azaldu du epaileak, eta biktimak "helburu horiek lortzeko oztopo zirenak ziren". "Horrenbestez, biktimen artean militarrak, poliziak, politikariak eta, neurri txikiago batean, euskal nazionalistak ere izan dira".
12 hilketa
12 hilketa dira, bat Frantzian egina, gizateriaren kontrako krimen gisa epaitu ahal dituztenak, 2004ko urriaren 1etik aurrera egindakoak, orduan jarri baitzen indarrean delitu mota hori Espainiako Estatuan.
Bi guardia zibil, Carlos Saenz de Tejada eta Diego Salva, izan ziren ETAk Espainian utzitako azken biktimak, Mallorcako Palmanova herrian 2009ko uztailaren 30ean egindako atentatu batean.
Hala eta guztiz ere, ETAren azken hilketa hurrengo urtean izan zen, martxoaren 16an, Parisetik gertu. Izan ere, Jean-Serge Nerin polizia frantsesa hil zuen, sekula hil duen polizia frantses bakarra.
2004ko urritik 2006ko abendura, ETAk ez zuen inor hil, nahiz eta atentatuak izan.
Abenduaren 30ean 200 kilo lehergai zeramatzan auto bat leherrarazi zuen Barajaseko aireportuan, eta bi ekuadortar hil zituen.
2007ko abenduaren 1ean Raul Centeno eta Fernando Trapero guardia zibilak hil zituen, supermerkatu batetik atera zirenean, Capbretonen.
2008ko martxoaren 7an, hauteskunde orokorrak baino bi egun lehenago, ETAk Isaias Carrasco Arrasateko zinegotzi sozialista ohia hil zuen.
Bi hilabetera, maiatzaren 14an, lehergailua eztandarazi zuten Legutioko Guardia Zibilaren kuartelaren kontra, eta Juan Manuel Piñuel guardia zibila hil zuten.
Irailaren 22an, berriz, Luis Conde de la Cruz Armadako kidea hil zuten Santoñan, bonba-autoz.
Urte horretan bertan, 2008an, Inaxio Uria enpresaria hil zuten tirokatuta Azpeitian.
Espainiako azken hildakoak 2009an izan ziren. Ekainaren 19an Eduardo Puelles poliziaburua hil zuten Arrigorriagan, autoan jarritako lehergailu batekin.
Albiste gehiago politika
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.