'Konstituzioak euskal berezitasuna ez jasotzea arazo izango da'
Iñigo Urkullu lehendakariak adierazi duenez, "arazo bat" sortu da Konstituzioaren erreforman "berezitasunak aintzat hartzen" ez badituzte, esaterako euskal berezitasuna, eta berretsi egin du asmoa dela "euskal nazioaren aitortza gauzatzea Estatuaren nazio-aniztasun ariketa" horren baitan.
COPE Irratiak egin eta Europa Pressek jasotako elkarrizketa batean Urkulluk esan duenaren arabera, nahiz eta EAJk historia osoan EAEn lortu duen ordezkaritza zabalena eskuratu duen, ez dute krisi ekonomikoari eta sozialari aurre egiteko helburua ahaztuko, elkarbizitza politikoa normaltasunean sendotzeko eta euskal autogobernuan sakontzeko.
Azken gai horri dagokionez, azpimarratu egin du autogobernua berrikusi beharra dagoela, sakondu ahal izateko, eta, izan ere, Eusko Legebiltzarra lanean ari da zentzu horretan, baina "itunetik abiatuta, elkarrizketan eta negoziazioan oinarrituta" egin behar da, "autogobernuan aurrerapausoak emateko konpromisoa hartzeko prest dauden sentsibilitateak ere bertan egotea saiatuz, ez soilik euskal nazionalistak", baizik eta ez nazionalistak ere bai.
Lehendakariaren ustean, autogobernu gehiago behar da, "ongizate handiagoa" ekarriko duelako eta, lortzeko, "elkarrizketa, negoziazioa, erakunde mailako akordioa eta gizartearen berrespena" behar da.
Urkulluk gaineratu duenez, "euskal nazioa" eraikitzeaz ari denean, gogoan dauka Espainiako Konstituzioak "nazionalitateak eta eskualdeak jasotzen dituela".
"Nazionalitateak eta eskualdeak aipatzeak esan nahi du ezberdintasuna dagoela. Nazionalitate baten ondorioa nazioa da, eta hori bera da gu garena eta nazionalitate aniztasun horretan errespetatzea aldarrikatzen duguna".
Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.