Nafarroako Gobernuko kontseilari berriek beren karguak hartu dituzte
Nafarroako Foru gobernu berriko bederatzi kontseilariek beren karguak hartu dituzte gaur eguerdian, atzo Uxue Barkos Nafarroako presidente berriak horien izendapena gauzatzeko dekretua sinatu ostean.
Bost gizonezkok eta lau emakumezkok osatuko dute Uxue Barkos presidenteak gidatuko duen Nafarroako Foru gobernu berria, eta bi presidenteordetza izango ditu: bat ekonomikoa eta bestea soziala. Manu Ayerdi -orain arte EAJren Nafarroako presidentea izan dena- Ekonomia presidenteorde izateaz gain, Industria, Berrikuntza eta Garapen, Lan-harreman, Merkataritza, Turismo eta Sustapen kontseilari izango da. Halaber, Miguel Laparra NUPeko irakaslearen esku geratu da Presidenteordetza Soziala, eta Gizarte Politikako, Enpleguko eta Etxebizitzako kontseilari ere izango da.
Hauek dira gainerako kontseilariak: Maria Jose Beaumont, Presidentzia eta Funtzio Publikoko, Segurtasun eta Justizia kontseilari; Ana Ollo, gobernu bozeramaile eta Hizkuntza Politika, Berdintasun, Bake eta Elkarbizitza eta Estrategia kontseilari; Ana Herrera, Kultura, Parte-hartzea, Kirola eta Gazteria kontseilari; Isabel Elizalde, Nekazaritza Garapen, Udal Administrazio, Ingurugiro eta Lurralde Antolaketa kontseilari; Mikel Aranburu, Ekonomia eta Ogasun kontseilari; Jose Luis Mendoza, Hezkuntza kontseilari eta Fernando Dominguez, Osasun kontseilari.
Kontseilari guztiek hitz-emate formula erabili dute eta Foru Erregimena, Espainiako Konstituzioa eta legeak errespetatuko dituztela hitz eman dute, baina Maria Jose Beaumontek "legeak behartuta" hitz eman duela esan du. Gainera, bederatzi kontseilarietatik zazpik euskaraz eta gazteleraz hitz egin dute eta gainerako biek hizkuntza bakarrean; Mikel Aranburu kontseilariak euskara hutsean eta Fernando Dominguezek gaztelera hutsean.
Behin kargu-hartze ekitaldia amaituta, Uxue Barkos Nafarroako presidente berriak hartu du hitza eta kontseilari berriei eskerrak emateaz gain, errespetua adierazi die. Barkosek nabarmendu du egoerak eskatzen duen mailan egongo dela Nafarroako gobernua eta aldaketak "sakonak, lasaiak, zentzudunak eta integratzaileak" izango direla.
Barkosek adierazi du uneoro hitz egiteko prest egongo den eta gizarteari entzungo dio gobernua izango dela berea, "herriak politika soluzioaren parte izatea nahi baitu eta ez arazo".
Halaber, nabarmendu du oreka zainduko duela eta erabaki guztien oinarria "zintzotasuna" izango dela.
Nafarroako Gobernuko bederatzi kontseilari berriek arratsalde honetan egin dute beren lehendabiziko bilera, Uxue Barkos presidenteak zuzenduta.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.