Kataluniako parlamentu berria osatuko da gaur
Kataluniako Parlamentuak bere XI. Legealdia abiatuko du gaur. 11:00etan hasiko den saioan, 135 diputatuk hartuko dute eserlekua ganberan, horietatik 85 berriak. Bien bitartean, Junts pel Si eta CUP alderdiak negoziaziatzen jarraituko dute, Kataluniako gobernu berriaren osaketa erabakitzeko. Presidente nor izango airean dago, oraindik.
Parlamentua osatzeko legeak ezartzen duen azken eguna da gaurkoa. Presidenteari dagokio eguna deitzea, eta Artur Mas Kataluniako jarduneko presidenteak zehaztu duenez, gobernu berria osatzeko negoziazioak "konplexuak" izaten ari dira, eta horri egotzi dio ganbera osatzeko eguna azken egunera arte atzeratzea. Masek joan den asteazkenean nabarmendu zuenez, gauzak ondo egin nahi badira, "denbora eta pazientzia" behar dira.
Behin osatuta, Kataluniako Parlamentuaren argazkiaren kolorea asko aldatuko da, aurreko legealdikoarekin alderatuta.
Junts pel Si eta CUP alderdietako diputatuek ganberaren ezkerraldeko aulkiak hartuko dituzte, eta gainerako taldeek, eskuineko aldeko lekuak, orain arteko egitura tradizionala hautsiz; hala, independentziaren aldekoen eta kontrakoen bi bloke nabarmen bereiziko dira.
Ezustekorik ezean, Carme Forcadell Junts pel Siko zerrendako bigarrenak hartuko du Parlamentuaren Mahaiko presidente kargua. Presidenteordetza eta bi idazkaritza ere, Junts pel Siren esku geratuko dira. Ciudadanosek beste presidenteordetza hartuko du, eta PSCk eta SiQueEsPotek idazkaritza bana.
Mahai berria osatuta, presidenteak taldeekin bilerak abiatuko ditu, inbestidura saioa deitzeko eguna erabakitzeko.
Parlamentua osatu eta gehienez 10 eguneko epea dute inbestidura saioa deitzeko. Beraz, azaroaren 9a (Kataluniako kontsultaren urteurrena) litzake horretarako azken eguna.
Lehendabiziko inbestidura saioan presidentea izendatuko ez balitz, bi hilabeteko epea zabalduko da, saio berriak deitzeko. Akordiorik erdiesten ez bada, beranduenez urtarrilaren 9an hauteskundeak deitu beharko dituzte, berriro.
Zure interesekoa izan daiteke
Euskara profilen aurkako “estrategia antolatua” eta "praktika sasimafiosoak" arbuiatu ditu Otxandianok
EH Bilduk Eusko Legebiltzarrean duen bozeramaile Peio Otxandianok dio euskararen hizkuntza eskakizunen aurkako errekurtso judizialen jarioaren atzean “antolatutako bultzada bat” dagoela. Erabaki judizial horien argitan, EAJri eta PSE-EEri eskatu die Enplegu Publikoaren Legearen erreforma bat negoziatzera eser daitezela, sistema blindatzeko, eta, salatu duenez, bi alderdiek uko egin diote erreforma hori egiteari.
Albiste izango dira: Industria Defendatzeko Taldearen bilera, martxoaren 11ko atentatuen urteurrena eta aurreakordioa EAEko eskola publikoetako jantokietan
Gaurkoan Orain-en albiste izango direnen laburpena, bi hitzetan.
Konstituzioko laugarren xedapena indargabetzea eskatu du UPNk, "independentismoa hazten ari baita une honetan"
Cristina Ibarrolak adierazi du UPNren aspaldiko nahia dela xedapen hori indargabetzea, Konstituzioa erreformatuta, eta orain egiteko premiaren arrazoien artean "euskal independentismoa" izaten ari den bilakaera aipatu du.
Ikasle-mugimenduaren aurkako kriminalizazio kanpaina salatu du EHUko ikasle talde batek
Gasteizko EHUko Letren fakultate atarian egindako agerraldian, ikasle talde batek Voxen agerraldiari eta Martxoaren 3ari lotuta ikasle-mugimenduak jasandako kriminalizazioa gaitzetsi dute. Ikasle hauek "EAJ eta eskuineko hainbat komunikabide" jo dituzte kanpaina horren erantzule.
Espainiako Gobernua "erantzun integrala" prestatzen ari da Ekialde Hurbileko gerraren ondorio ekonomikoak arintzeko
Familiak, enpresak eta autonomoak babesteko eta trantsizio energetikoa bizkortzeko neurriak hartuko ditu, eta ez da baztertzen beherapen fiskalak egitea.
Pradales lurralde arteko lankidetzaren alde agertu da, "krisiak eta gerrak pilatzen" ari baitira testuinguru globalean
Akitania-Euskadi-Nafarroa Euroeskualdea integrazioaren adibide dela azpimarratu du "Europara ziur iritsiko diren eztabaidei aurrea hartzeko" gunea.
Euskal Hirigune Elkargoaren funtzioaren eta izaeraren inguruko eztabaida, hauteskunde kanpainan
Ipar Euskal Herrian udal hauteskundeak egingo dituzte martxoaren 15 eta 22an. 158 udaletako ordezkariez gain, Euskal Hirigune Elkargoa ere osoki berrituko dute. Azken erakunde hori 2017an sortu zen, eta bere zereginaren inguruko eztabaida oso presente dago kanpainan. Hainbat eragileren iritziak bildu ditu ETBk, aldekoak zein kontrakoak.
Auzitegiak onartu egin du Iñigo Errejonen aurkako bigarren sexu-eraso salaketa
2021ean gertatu omen zen sexu-eraso batekin lotuta dago azken hori, Elisa Mouliaa aktoreak aurkeztutako salaketaren ondoren.
EAJk Espainiako Gobernua estutu du "Tubos Reunidosek zorra berregituratu" eta bideragarritasun plan bat landu dezan
Jeltzaleek ohar baten bidez jakinarazi dutenez, industriak "une zailak bizi ditu Estatu osoan, argindarraren prezio altuen ondorioz". "Horregatik, denbora daramagu energia prezio lehiakorragoak lortzeko neurriak eskatzen", esan dute.
EH Bilduk "inperialismoaren aurka eta bakearen alde" egingo du Aberri Egunean
Iruñean, "zazpiak bat egin" lelopean, Euskal Herria "herri bat" eta "aske izan nahi duen nazio bat" dela aldarrikatuko du.