ETAko bost kide prozesatu dituzte gizateriaren aurkako delituengatik
Juan Pablo Gonzalez Auzitegi Nazionaleko epaileak ETAko bost kide, ustez erakunde armatuaren buruzagi direnak, prozesatu ditu gizateriaren aurkako delitua egotzita. 2004ko urriaren 1etik egindako hilketengatik prozesatu ditu; izan ere, data horretan tipifikatu zen gizateriaren aurkakoa delitua.
Josu Urrutikoetxea 'Josu Ternera', Garikoitz Aspiazu Rubina 'Txeroki', Mikel Karrera Sarobe 'Ata', Aitzol Iriondo Yarza eta Aitor Elizaran Sarasola dira auzipetuak.
Urrutikoetxea non dagoen ez dakienez, hura bilatzeko eta atxilotzeko nazioarteko agindua eman du epaileak.
Epaileak 24 orduko epea eman die bost prozesatuei, epaia kontrakoa balitz arduradun zibil gisa egin beharko lituzketen ordainketei aurre egiteko bermeak aurkez ditzaten. Hala, bi eta zazpi milioi euro arteko bermeak eskatu dizkie. Handiena (zazpi milioi eurokoa) Karrerari jarritakoa da; Iriondori, sei milioikoa eskatu dio; bostekoa, Aspiazuri eta Elizarani; eta bikoa, Urrutikoetxeari.
Ikerketa uztailean abiatu zuen Auzitegi Nazionalak, Dignidad y Justicia elkarteak aurkeztutako helegite baten harira.
Gaur jakitera eman duen epaian, 2004tik gaur arte ETAko buruzagiak nortzuk izan diren eta heriotza eragin duten erakunde armatuaren atentatu nagusiak zein diren zehaztu du. Besteak beste, hilketa hauek aipatu ditu epaileak: Isaias Carrasco PSE-EEren zinegotzi ohiarena, Juan Manuel Piñuel guardia zibilarena, Luis Conde Armadako brigadarena, Inaxio Uria enpresaburuarena, Eduardo Puelles poliziarena, Carlos Enrique Saenz de Tejada eta Diego Salva guardia zibilena, eta Carlos Alonso Palaterena eta Diego Armando Estaciorena (T4aren kontrako atentatuan hildakoak).
Epaileak zazpi hilketa delitu egotzi dizkio Karrerari; sei, Iriondori; bosna , Aspiazuri eta Elizarani eta, bi, Urrutikoetxeari. Azken horri dagokionez, epaileak dio talde politikoaren burua izan zela 2005etik 2007ra, Francisco Javier Lopez Peñarekin batera. Gainera, "karisma handikoa zenez, eta gainerako militanteengan eragina zuenez, erabaki guztietan parte hartu zuela ondoriozta daiteke".
Autoaren arabera, ETAren buru politiko eta militar guztiek aipatutako "atentatu guztien berri" izan zuten, eta egile materialei "aginduak eman zizkieten".
Albiste gehiago politika
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "bere garaian egiten zen aurreikuspena zen une honetan instalazio hori erabiltzen duten autobus askok, Gasteiz edo Bilbo jatorri-helmuga dutenek, desagertzeko joera izatea euskal 'Y' abiadura handiko trenaren zerbitzua martxan jartzean" lehiakorragoa delako, baina hori "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak Txiki eta Otaegi biktimak direla azpimarratu du, baina urteurrena ez instrumentalizatzea eskatu du
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzako bozeramailean gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.